Bayern dëshiron t’ia zgjasë kontratën makinës së golave, Harry Kane, sa më shpejt të jetë e mundur. Megjithatë, mbetet e pasigurt nëse kjo do të ndodhë. Kjo për shkak se kundërshtari i Ligës së Kampionëve, Paris Saint-Germain, thuhet se po e mban nën vëzhgim 32-vjeçarin.
Sipas redaktorit të futbollit të Bild, Christian Falk, anglezi është në krye të listës së dëshirave të klubit francez.
“Ata po përqendrohen te Kane”, shkroi gazetari në një postim në portalin e tij të lajmeve.
“Çfarë ndodh më pas? “Nuk e di kurrë”, shpjegoi Falk, i cili në këtë mënyrë nuk e përjashtoi kategorikisht largimin e Kane nga Bayern.
“Nëse Bayern fiton gjithçka këtë sezon, ai mund të shkojë te menaxhmenti dhe t’i thotë se dëshiron një sfidë të re. Një transferim në Angli do të ishte sigurisht më i mundshëm sesa një në kryeqytetin francez”, përfundoi ai.
Kane u transferua nga Tottenhami në Munih në verën e vitit 2023 për një tarifë transferimi të raportuar prej 95 milionë eurosh. 138 gola në 141 ndeshje zyrtare për Bayern është një numër i jashtëzakonshëm, i cili tani me sa duket ka tërhequr edhe vëmendjen e PSG-së./Telegrafi/
