Pas golit te shenuar dy jave me pare ndaj Bylisit, Eraldo Deda ka shenuar serish sot per Vllaznia U21, megjithate kete here goli i tij nuk ka sherbyer per t’i dhene fitoren kuqebluve sepse gjithçka u mbyll ne barazim 1-1.
Sulmuesi 20 vjeçar shkodran ndjen keqardhje per kete rezulat dhe duke e analizuar kete ndeshje, e pranon qe ne rradhet e futbollisteve ka patur shenja nenvleresimi per kundershtari. Nje gje te tille ai e ka rrefyer ne nje interviste ekskluzive per “Shkodra Sport” ku thote:
– Deda, urime per golin e sotem…
Faleminderit!
– Megjithate ishte nje gol qe nuk i dha fitoren Vllaznise U21…
Per kete me vjen shume keq. Nese jam i kenaqur qe shenova kuptohet qe kjo eshte diçka e mire sepse ne fund te fundit po bej detyren time. Por ne fakt me i kenaqur do te isha nese do te ishte nje gol trepikesh.
– Pse nuk fitoi Vllaznia U21 sot ndaj Egnatias?
Mund te them se ishte me shume shenje nenvleresimi sesa merite e kundershtarit barazimi i sotem. Rastet ne fakt i kishim por na mungoi edhe fati per te shenuar edhe gola te tjere.
– Me kete barazim nderkohe keni humbur edhe vendin e pare ne renditje. Do ta rimerrni serish?
Mund te them se ishte nje hap i gabuar, por gjithsesi ekipi e ka forcen me reagu dhe do ta bajme qe ne ndeshjen e ardhshme kunder Laçit per te kapur edhe njehere vendin e pare ne renditje qe besoj se na perket ne.
– Ashtu si dhe te ekipi i pare edhe per ekipin tuaj duket se ne kete ndeshje ishte problem shenimi i golit. Duhet rregulluar diçka ne sulm?
Besoj qe ne krijuam raste por na mungoi edhe fati, e thashe edhe me lart. Por jam dakord me ju se ka ende vend per permiresim ne lojen tone.
– Do te fitoni te dielen ne Laç?
Duhet ta harrojme kete barazim dhe te Laç besoj qe do te marrim 3 piket sepse mundesite i kemi./SHKODRA-SPORT.COM/