Kampionia e Shqiperise ne futboll per femra- Vllaznia e Shkodres, ka mberritur paraditen e sotme ne Londer, aty ku neser do te luaje sfiden ndaj ekipit te Çelsit, e vlefshme per raundin e dyte te “UEFA Women’s Champions League”.
Ato jane nisur ne oren 06.00 te mengjesit nga aeroporti i Rinasit dhe kane mberritur ne aeroportin e Louton rreth ores 09.15. Ne fakt, vajzave dhe delegacionit qe e shoqerojne u eshte dashur te qendrojne mbi 2 ore ne aeroport, fillimisht per probleme ne uljen nga avioni e me pas edhe ne nje rradhe te gjate ne kontrollin e pasaportave.
Kjo ka bere qe ekipi te mberrije ne hotel rreth mesdites, por kuptohej qarte qe tek vajzat ndjehej lodhja nga udhetimi i gjate qe kishte nisur nga ora 02.30 e mengjesit nga Shkodra. Megjithate pak pushim per ta ne dhomat e zhveshjes dhe rreth ores 18.00 do te nisen drejt stadiumit per te zhvilluar seancen e fundit stervitore ne prag te ndeshjes me Çelsin.
Nderkohe para stervitjes, do te jete edhe konferenca e zakonshme per shtyp e trajnerit te Vllaznise Nikolin Leka dhe kapitenes Esmeralda Franja. Kujtojme qe ndeshja do te luhet neser ne oren 21.00 (me ate te Shqiperise)./SHKODRA-SPORT.COM/
