Fernando Sanz, një ish-lojtar i Real Madridit, zbuloi për “El Chiringuito” se Erling Haaland ka një klauzolë largimi në kontratën e tij aktuale me Manchester Cityn që i lejon atij të largohet për në Real Madrid në vitin 2024.
“Informacioni që kam është se ka një klauzolë largimi për Haaland në fund të vitit të tij të dytë të kontratës me Manchester Cityn, dhe gjëja kurioze është se ai ka kushte shumë të dobishme për të shkuar në Madrid.
Ka një klauzolë që e lejon të largohet pas dy vitesh. Real vendos të gjitha paratë që nevojiten dhe merr Haaland pa pasur nevojë të flasë me Cityn”, shpjegoi Fernando Sanz.
Ndërkohë “Marca” kishte raportuar tashmë se klauzola e largimit të sulmuesit në verën e vitit 2024 është vendosur në 200 milionë euro, duke rënë në 175 milionë euro në 2025.
