Kombëtarja shqiptare e futbollit të femrave e drejtuar nga trajneri Vioresin Sinani ka filluar ditën e djeshme grumbullimin tre ditor në prag të ndeshjes miqësore që do të zhvillojë më datë 4 Prill në Zenica kundër Bosnje Hercegovinës.
Kombëtarja e femrave është grumbulluar në qytetin e Shkodrës ku do të kryejë përgatitjet për këtë ndeshje miqësore. Në urdhërat e trajnerit Sinani janë 18 futbolliste të cilat gjatë stërvitjeve do të vëzhgohen me kujdes për të parë kondicionin e tyre si edhe për të krijuar idenë e plotë të grupit që do të jetë i gatshëm për fushatën eliminatore.
Ndeshja do të zhvillohet ditën e enjte, datë 4 prill, ora 16:00, në Zenica. Pjese e kombetares shqiptare ne kete grumbullim jane edhe 7 futbolliste te Vllaznise qe perbejne dhe bazen e saj. Duke filluar nga portierja Ardiola Raxhimi, mbrojteset Arbiona Bajraktari, Sara Maliqi, Ajdena Mustafa e Luçie Gjini, mesfushorja Esmeralda Franja dhe sulmuesja Megi Doçi.
Po ashtu pjese e kombetares shqiptare per kete ndeshje do te jete edhe mesfushorja e “Juban Danja” Paula Jaku nderkohe qe nga vjen ish- futbollisja e ketij ekipi, Alma Hilaj qe tani luan ne Serine A me ekipin Florentia.
Më poshtë gjeni dhe listën e lojtareve të grumbulluara për këtë takim miqësor:
