Kukesi e mendoi te fituar ne tavoline ndeshjen ndaj Laçit te vlefshme per javen e dyte te kampionatit kombetar te futbollit te femrave, madje kete gje e publikoi edhe ne faqen zyrtare te tij, por ne fakt nuk rezulton te jete keshtu.
Sfida e paluajtur e dates 15 tetor, do te luhet diten e neserme ne oren 13.30 ne kompleksin sportiv “Zmijani” te Shkodres. Dy ekipet shkodrane qe tashme perfaqesojne Laçin dhe Kukesin, do te ndeshen neser per t’i rrembyer njeri- tjetrit fitoren.
Ne fakt, kukesianet kane pretenduar fitoren ne tavoline ngaqe ne daten e caktuar per luajtjen e saj, ekipi i Laçit zbriti ne fushe me uniformat e “AtletiK” dhe kjo nuk eshte lejuar nga delegati i ndeshjes dhe per kete arsye u mendua se ata do te fitonin ne tavoline.
Ne fakt Sektori i Garave prane Federates Shqiptare te Futbollit ka vendosur ndryshe dhe prandaj ky takim do te luhet mesditen e neserme teksa dy ekipet do te tentojne t’i shkepuesin fitoren njeri- tjetrit.
Kujtojme qe pas 4 ndeshjesh te luajtura, Laçi i drejtuar nga trajneri Elis Legata ende nuk ka marre asnje pike dhe kete gje do ta kerkoje neser perballe Kukesit te drejtuar nga Paula Jaku, ekip qe ka grumbulluar 6 pike deri tani./SHKODRA-SPORT.COM/
