Vllaznia do te luaje te marten kunder Bylisit ndeshjen e pare te vlefshme per turin e dyte te Kupes se Shqiperise. Kuqeblute kane zhvilluar diten e sotme seancen e parafundit stervitore.
Atmosfera ne skuader eshte e mire, sidomos pas afrimit te fundit te Bekim Balajt dhe te gjithe jane optimiste qe do te marrin nje rezultat qe do t’i çoje ne turin tjeter te ketij kompeticioni qe ne ndeshjen e pare.
Nderkohe, ky takim do transmetohet live nga kanalet e platformes OverSport per te gjithe sportdashesit qe nuk do kene mundesi te jene te pranishem ne Ballsh. Ne fakt, fillimisht u mendua qe OverSport nuk do ta transmetoje ndeshjen e Vllaznise, por siç duket kompania ne fjale, duke marre ne konsiderate edhe reagimin ne mase te tifozerise kuqeblu, duket se ka bere prapakthehu.
Ky eshte takimi i pare mes Bylisit dhe Vllaznise, ndeshje e vlefshme per turin e dyte te Kupes se Shqiperise dhe kjo sfide do te zhvillohet diten e marte ne oren 13:00.
Maringlen ZHIVANI
