Shkruar nga Gjergj KOLA
Mbrojtësi shkodran Emanuel Lacinej vazhdon të shkëlqejë në Itali me ekipin e tij Montemurlo. 15 vjeçari shtatëlartë është përzgjedhur sërish në formacionin më të mirë të javës të kampionatit rajonal U16, falë paraqitjes shumë të mirë që po bën.
I gjatë 1.90 metra, ai me cilësitë e tij është një element shumë i rëndësishëm jo vetëm në lojën mbrojtëse, por shpeshherë shfaqet edhe si golashënues duke e ndihmuar jo pak skuadrën e tij në arritjen e reezultateve pozitive.
Lacinej vlerësoheet shumë edhe nga ana e stafit teknik të ekipit të Montemurlos, i cili shpreson shumë që ai të vazhdojë të jetë sërish pjesë e tyre dhe të mos largohet sepse në adresë të tij ka patur jo pak oferta gjatë kohëve të fundit.
Burimi: Gazeta “Shkodra Sport”
