Vllaznia do te luaje shanset e fundit permes kampionatit per te mbajtur gjalle shpresen per nje vend ne Europe, prandaj do te kerkoje vetem fitoren ne perballjet me Egnatian dhe Kastriotin.
Per shkodranet, marrja e gjashte pikeve ne keto dy ndeshje eshte kthyer ne nje detyrim, sepse ne loje, perveç prestigjit, jane edhe milionat.
Ne rast moskualifikimi ne Europe, demi minimal i shkodraneve eshte plot 250 mije euro, nje shifer e konsiderueshme kjo per nje klub shqiptar.
Keshtu, behet fjale vetem ne rast se ekipi nuk do arrije te kaloje asnje tur, sepse me pas shifra rritet, teksa shkon deri ne 500 mije euro, duke mbushur akoma me tej “xhepat”.
Shkodranet kane nje “grope” financiare jo te vogel qe nga sezonet e kaluara, sepse serish borxhet jane ende te pashlyera, prandaj per kete arsye, kualifikimi ne Europe vlen edhe milionat, pavaresisht se me pas, Vllaznia duhet te shpresoje te hapat fals te rivaleve si Partizani dhe Kukesi.
Megjithate, shkodranet nuk vijne ne kete fund kampionati ne formen e tyre me te mire, teksa mbetet per t’u pare fytyra e re e ketij ekipi nen drejtimin e trajnerit Mirel Josa.
Maringlen ZHIVANI
