Myrto Uzuni përjetoi ndeshjen më të mirë të karrierës së tij deri më tani mbrëmjen e djeshme.
Granada fitoi me rezultatin 3-0 kundër Vijarealit B dhe të tre golat kanë autorësinë e sulmuesit shqiptar. Futbollisti nga Berati shënoi golin e parë që në 30 sekondat e para, ndërsa më pas tundi rrjetën dy herë nga penalltia.
Sigurisht që një paraqitje e tillë nuk mund të kalonte pa u vlerësuar.
Myrto Uzuni është lojtari që ka marrë notën më të lartë nga “Sofascore” për javën që u mbyll mbrëmë. Futbollisti i Kombëtares kuqezi përfshihet në 11 më të mirët e javës në La Liga 2, ku si askush tjetër mban notën 9.3.
