Kristiano Ronaldo është shumë pranë rikthimit në Serinë A!
Sipas asaj që raporton e përditshmja italiane “Corriere della Sera”, ylli portugez ka dhënë dritën jeshile për një transferim te skuadra e Napolit.
5 herë fituesi i “Topit të Artë”, nuk është i lumtur te Mançester Junajtid dhe këta të fundit priten ta zëvendësojnë me sulmuesin e Napolit, Viktor Ozimhen, ku kanë ofruar 100 milionë euro për nigerianin, por klubi i kaltër kërkon 130 milionë euro.
Sipas medias italiane, 37-vjeçari luzitan mund të huazohet falas te napoletanët dhe 80-85% të pagës së tij prej 24 milionë euro neto në sezon të paguhet nga “Djajtë e kuq”.
Aktualisht me fanellën e Mançester Junajtid në Premier Ligë, Kristiano Ronaldo është aktivizuar gjithsej në 4 ndeshje duke mos shënuar dhe asistuar dot asnjëherë.
