Futbollistet shkodrane ne vite kane bere karriere edhe jashte vendit dhe sot do te ndalemi tek njeri prej tyre. E kemi fjalen per Uliks Kotrri dhe eshte arkivi i “Shkodra Sport” print qe na e sjell perpare kontraten me te mire te jetes se tij, ate me Energie Cottbus” qe militonte ne Bundesliga 2 te Gjermanise.

Eshte gazeta “Shkodra Sport” e dates 1 korrik 1997 qe na e risjell kete moment teksa ne te shkruhet: “Me 15 qershor Kotrri i shoqeruar nga menaxheri i tij udhetuan drejt Gjermanise per te nisur proven tek “Energie Cottbus”, skuadra finaliste e Kupes se Gjermanise pak muaj me pare kur u mund nga Shtutgarti 2-0, por shkuarja e saj deri ne finale ishte nje sukses i madh.

Kotrri ishte ne prove bashke me 7 futbolliste te tjere, hungareze, kroate e nje italian i kategorise se dyte. Mbas dy ndeshjesh prove, mesfushori shkodran dhe nje sulmues rus i Spartakut te Moskes spikaten mbi te tjeret dhe e fituan proven.

Me pas drejtuesit e klubit i ofruan kontrate dhe ai firmosi duke sjelle kesisoj nje sukses shume te madh ne karrieren e futbollistit shkodran”.

Uliks Kotrri ndeshjen e pare me Vllaznine e ka luajtur me 29 nentor 1992 ndaj Tomorit (3-0) ku shenoi dhe njerin gol. Luajti me kuqeblute deri ne sezonin 1994-95 kur kaloi ne kampionatin austriak me ekipin “SAK” e per t’u kthyer perseri ne Shkoder te Vllaznia, para se te firmoste ne Gjermani pikerisht ne Bundesliga 2 me “Energie Cottbus”./SHKODRA-SPORT.COM/