Një tjetër futbollist nga kontigjenti aktual i Vllaznisë ka rinovuar kontratën. Bëhet fjalë për Florind Bardullën. Mesfushori ka mbyllur bisedimet për anën financiare me drejtuesit e klubit dhe sot ka hedhur firmë në kontratë. Kjo është bërë e ditur nga vetë faqja zyrtare e Vllaznisë sipas të cilës, marrëveshja me lojtarin është dyvjeçare.
Në këtë mënyrë, gradualisht mbyllet procesi i rinovimit të kontratave me futbollistët që kanë qenë pjesë e ekipit edhe në sezonin e kaluar teksa kanë mbetur për ta bërë një gjë të tillë në ditët e ardhshme edhe portieri Selimaj dhe mesfushori Krymi.
© shkodrasport.com
