A mund të bashkëjetojë një futbollist si Cristiano Ronaldo me një trajner si Maurizio Sarri ? Kjo është çështja në tryezën e Juventus, pas humbjes së Kupës së Italsisë.

Në muajt e fundit ka patur disa mosmarrëveshje midis të dy palëve për disa zgjedhje te teknikut italian, në stërvitje apo në ndeshje.

Momenti më i dukshëm i tensionit ishte kur Ronaldo u zëvendësua në ndeshjen kundër Milanit. Por nuk është vetëm kjo.

Asnjëherë deri tani. Ky është titulli i La Gazzetta dello Sport , i cili shkruan se sa e ndërlikuar është bashkimi i këtyre dy botëve të kundërta, të dyja bazuar në profesionalizëm. Çështja e rolit të Ronaldos në fushë, nuk është zgjidhur ende, por tashmë mund të bëhet e ditur, duke filluar nga ndeshja tjetër kundër Bolonjës.

Media italiane shkruan se CR7 në karrierën e tij është grindur me disa teknikë. Por tani është e nevojshme pika e kthesës.