Ndeshjet e turit te pare te Kupes se Shqiperise ne futboll per moshat, kane dhuruar nje surprize diten e sotme. Ate e ka shkaktuar pikerisht ekipi shkodran Scutari U17 i drejtuar nga trajneri Erjon Hasaj.
Ai ka eliminuar sot nje ekip te Superliges te kesaj grupmoshe, pikerisht ate te Akademise se Futbollit. Ne ndeshjen e luajtur ne Kamez, rezultati i fiksuar ne fund te takimit ka qene i barabarte 2-2.
Dy golat e shenaur per shkodranet gjate kohes se rregullt kane patur per autore futbollistet Neraldo Delaj dhe Besar Papaj. Ky rezultat ka detyruar dy ekipet qe t’i drejtohen 11-metershave.
Pas perfundimit te tyre, Scutari U17 eshte treguar me i sakte duke fituar 3-1 dhe duke u kualifikuar kesisoj per ne turin e dyte te ketij kompeticioni. Kane qene te sakte nga pika e bardhe futbollistet Papaj, Frani e Delaj.
Ne kete menyre, ekipi shkodran i drejtuar nga trajneri Erjon Hasaj ka shkaktuar kesisoj surprizen e pare ne Kupe sepse ai merr pjese ne kategorine e pare te kesaj grupmoshe ne kampionat, ndersa Akademia e Futbollit ne ate te Superliges.
Scutari U17 do te ndeshet ne turin e dyte me fituesin e çiftit Shkodra U17- Durresi 04, ndeshje qe do te luhet diten e neserme dhe me shume siguri ne kete tur do te kemi nje perballje mes dy ekipeve shkodrane.
www.shkodrasport.com
