Rumuni Dan Ignat që ka mbërritur ditën e djeshme tek Vllaznia, nuk është futbollisti i fundit i huaj që vjen për provë.
Ditën e sotme tek kuqeblutë ka mbërritur një tjetër lojtar. Bëhet fjalë për brazilianin Darlan Kardoso Ferrari.
Ai luan si mesfushor i avancuar dhe vjen nga futbolli portugez ku ka luajtur sezonet e fundit. Ky futbollist do të bashkohet menjëherë në stërvitje me kuqeblutë për t’u vënë menjëherë nën urdhërat e trajnerit Lika.
Bashkë me Darlan, shkon në katër numri i futbollistëve joshkodranë që janë aktualisht në stërvitje me ekipin e Vllaznisë, duke shtuar këtu edhe Ignat apo dhe elbasanasin Bilali dhe vlonjatin Zeqaj.
Për këta dy të fundit, tashmë stafi ka filluar të krijojë një ide megjithatë ende nuk është e qartë nëse do të qëndrojnë apo jo.
Ndërkohë, i ardhuri së fundmi- Darlan, mund të mos jetë futbollisti i fundit që do të vijë për provë tek Vllaznia. Në ditët e ardhshme priten edhe të tjerë.
Kuqeblutë kanë nevojë për përforcime sidomos në mbrojtje dhe mesfushë megjithatë deri më tani, asnjë nga lojtarët e ardhur për provë nuk ka rezultuar i dobishëm.
Gjasat janë që të ndodhë kështu edhe në të ardhmen megjithatë shpresat janë për të gjetur të paktën 2-3 lojtarë të cilët mund t’i shërbejnë skuadrës.
www.shkodrasport.com
