Vazhdojnë telashet për ish-sulmuesin e Kombëtares së Italisë, Xhuzepe Rosin. Kësaj here nuk bëhet fjalë për dëmtimin e radhës, por për një skandal që ka prekur ish-futbollistin e Parmës dhe Fiorentinës.
Pas ndeshjes së 12 majit të këtij viti Benevento – Xhenoa, lojtari në fjalë i është nënshtruar testit anti-doping.
Përgjigja ka qenë fatale për Rosin, pasi analiza ka dalë pozititive. Prokuroria ka kërkuar një vit pezullim për sulmuesin, pavarësisht se ky i fundit e ka mohuar akuzën ndaj tij.
Mbi Rosin rëndon akuza e përdorimit të substancave të palejuara. Një lajm i keq për lojtarin, i cili e mbylli edicionin e shkuar me Xhenoan, por tani është pa ekip.
Vendimi përfundimtar do të merret me 1 tetor në orën 14:00.
