Vjet Vllaznia humbi titullin kampion vetem per nje gol me pak ne perballjet direkte me Teuten dhe si rrjedhoje u detyrua te pajtohej me vendin e dyte ne renditjen perfundimtare te kampionatit.
Pikerisht per kete arsye, shkodranet fajesuan Dilaver qe nuk shenoi aq sa duhet, apo dhe lojtaret e tjere te repartit ofensiv te cilet ne ndeshjet decisive, nuk u treguan te afte dhe te vemendshem per te gezuar nje Shkoder te tere.
Gjate veres se shkuar pikerisht per kete arsye, drejtuesit vendosen te shpenzojne shume per repartin ofensiv. Moren Aralicen duke menduar se do te ishte me i mire se Dilaver, ia rriten rrogen Ardit Hoxhajt dhe duruan “tekat” e Da Silves. E po ashtu, shpenzuan shume per te marre nje lojtar si Latifi, nderkohe moren edhe Djurdjevic dhe Kainen.
Shpresat ishin qe Vllaznia do te kishte sulmin me te mire te kampionatit dhe nisja ne fakt ishte e shkelqyer: Fitoi 5-3 ne ndeshjen e pare te kampionatit. Por me kalimin e javeve, shpresat u zbehen.
Shpejt u kuptua qe Aralica nuk ishte as si Dilaver. Latifi deri diku e justifikoi emrin e tij por jo sa per te marre per dore Vllaznine. Ardit Hoxhaj diku i pafat me demtimet dhe diku per konkurrence, humbi krejtesisht. Djurdjevic nuk ishte me ai i Kupave te Europes, Da Silva luajti “me korrespondence” dhe Kaina u konsiderua i paaafte dhe u huazua tek Kastrioti, ndersa per Çoben pati pak hapesire.
Dhe si rrjedhoje konkluzioni eshte se Vllaznia sot eshte e pesta prej sulmuesve te saj. Ajo eshte skuadra e peste ne renditje per numrin e golave te shenuar, vetem 47. Shume pak natyrisht per faktin qe skuadra kishte ne dispozicion 7 sulmues te mirefillte.
Per rrjedhoje, sot e humbi Europen serish per nje gol. Vllaznia ishte me pike te barabarta me Kukesin, por ky i fundit e kishte mundur 2-0 ne sfiden direkte ndersa kuqeblute kishin fituar 2-1 ndaj tij. Nese do ishte 2-0 apo 3-1, me golaveazh te pergjithshem do ishte Vllaznia e katerta sepse e ka ate +9, ndersa Kukesi e ka +6.
Shkodranet e pesojne serish per nje gol te vetem. Dhe do te ishte mekat qe ta pesonte edhe ne finalen e Kupes sepse demi financiar do te ishte shume i madh per Vllaznine./SHKODRA-SPORT.COM/
