Atletët e Vllaznise e kane nisur mbare edhe vitin 2024 duke dominuar ne garat e Kampionatit Kombetar Individual Dimeror qe u zhvilluan ne Elbasan. Jane shpallur kampione sportistet Franko Burraj, Leandro Çardaku, Kolindo Kiri, Muhamet Çangeli, Glenis Haxhiaj dhe Erisa Rrasa. Po ashtu, edhe sportiste te tjere jane paraqitur shume mire duke u ngjitur edhe ato ne podium.
Ne lidhje me keto rezultate, kryetrajneri i ekipit te Vllaznise Albert Marashi ne nje prononcim te dhene per gazeten “Shkodra Sport”, i vlereson ato si shume pozitive teksa shprehet:
“Ne e prisnim nje performance te tille te mire te sportisteve tane, por ndoshta jo ne kete mase sepse rezultatet e arritura prej tyre ishin mbreselenese dhe per kete meritojne pergezime”.
Por nderkohe, ky kampionat ka sherbyer edhe si test perzgjedhje per sportistet qe do te perfaqesojne vendin tone ne Kampionatet Ballkanike U20 dhe Seniore qe do te zhvillohen gjate muajit shkurt. Ne lidhje me to, Marashi do te shprehej:
“Kampionati dimeror sherbeu edhe per te perzgjedhur sportistet qe do te jene pjese e kombetares ne keto evente. Keshtu, ne Kampionatin Ballkanik Indoor U20 qe do te zhvillohet me 4 shkurt ne Beograd do te jete pjesmarres edhe atleti i Vllaznise Erdi Duka.
Nderkohe per te rriturit, kane kapur normen dhe do te perfaqesojne vendin tone ne Kampionatin Ballkanik te Sallave te Mbyllura atletet Franko Burraj, Leandro Çardaku, Muhamet Çangeli, Kolindo Kiri, Erisa Rrasa dhe ne pikepyetje eshte Glenis Haxhiaj sepse jemi ne pritje te vendimit qe do te marre Federata”./SHKODRA-SPORT.COM/
