Vllaznia e volejbollit te meshkujve ka reaguar menjehere pas humbjes te dielen ndaj Erzenit. Sot ajo ka fituar ne Korçe ndaj Skenderbeut me rezultatin 3-1.
Nje fitore kjo qe merr nje rendesi te madhe per volejbollistet shkodrane sepse munden nje nga rivalet kryesore te tyre. Dhe si rrjedhoje, me kete fitore duket se ata kane siguruar ne njefare menyre objektivin e tyre, kalimin ne play-off, ndonese ka ende edhe pese ndeshje deri ne fund te kampionatit.
Ndeshja e luajtur mesditen e sotme ne pallatin e sportit te Korçes ka dhuruar emocione, por ne fund kane gezuar kuqeblute e trajnerit Kalaja. Ne fakt takimi nisi mire per vendasit qe e fituan setin e pare me shifrat 25-22.
Me pas, Vllaznia ka reaguar menjehere dhe ajo ka arritur te fitoje njeri pas tjetrit tre raunde me shifrat 25-16, 25-19 dhe 25-21. Ne kete menyre i gjithe takimi eshte mbyllur me fitoren e saj 3-1.
Me kete fitore, ekipi shkodran duket se ka shume shanse per te zene vendin e dyte ne grup duke siguruar keshtu edhe kalimin ne play-off. Ne fakt edhe vete trajneri Kalaja pas ndeshjes se humbur me Erzenin deklaroi se skuadra do reagonte dhe e beri kete gje qe ne ndeshjen e sotme ndaj Skenderbeut.
Nderkohe, javen e ardhshme do te nisin ndeshjet gjysmefinale te Kupes se Shqiperise dhe Vllaznia do te ndeshet me Partizanin ku padyshim qe do te synoje fitoren dhe kalimin ne finale./SHKODRA-SPORT.COM/
