Florian Marku nuk njeh sërish humbje. Boksieri i njohur shqiptar ka mposhtur mbrëmë në Londër kundërshtarin çek Miroslav Serban.
“Bisha” kuqezi s’u dorëzua në asnjë moment, por për gjatë gjithë raundeve sulmoi fort duke arritur të grumbullonte plot 65 pikë. Pas gjashtë raundesh të zhvilluar në sallën e “York Hall”, Marku arriti të shpallej sërish kampion.
Interesi për këtë sfidë të zhvilluar në Angli ka qenë mjaft i madh. Shqiptarët të cilët jetojnë në Britani nuk kanë munguar kurrsesi në mbështetjen e boksierit të tyre.
Për Markun kjo ishte fitorja e katërt, në po aq të tilla të zhvilluara në sportin e boksit. Ndërsa kundërshtari Serban numëron 15 ndeshje, prej të cilave 11 i ka fituar.
