Vllaznia ne basketboll per femra merr fitoren e trete rradhazi dhe per me teper ndaj nje rivali direkt si Elbasani. Ne ndeshjen e luajtur pasditen e djeshme ne Elbasan, vajzat shkodrane te drejtuara nga trajneri Bledar Gjeçaj kane fituar me rezultatin e thelle 91-58.
Ne fakt, vajzat shkodrane e kishin vleresuar shume seriozisht kete ndeshje sepse nje fitore e mundshme ndaj ketij kundershtari, do t’u hapte atyre rrugen per ne katershen qe i çon ne play-off.
Dhe nga sekonda e pare e deri ne fund, ekipi i Vllaznise e ka dominuar ndeshjen duke mos e vene per asnje moment ne dyshim fitoren ndaj elbasanaseve.
Protagonistja kryesore e ketij suksesi ka qene basketbollistja Bernada Rreshpja e cila ka shenuar plot 31 pike ne kete ndeshje. Pas saj si pikeshenuese eshte dalluar Sindi Kryeziu me 24 pike.
E treta nderkohe si pikeshenuese per Vllaznine ne kete ndeshje ka qene Melida Hykaj me 14 pike. Nderkohe sa i takon topave te kapur ne tabele, Rreshpja serish spikat me 13 te tille nderkohe qe pas saj spikati Ingrid Dashja me 10 topa.
Nderkohe sa i takon asisteve, ka spikatur Medina Mustafa me 7 te tille. Si rrjedhoje e ketyre shifrave, Vllaznia ia ka dale te fitoje me 33 pike diference dhe tashme e sheh veten ne katershen e ekipeve me te mira te kampionatit./SHKODRA-SPORT.COM/
