Problemet e hasura në ndeshjen e sotme ndaj Kukësit, kanë detyruar klubin Vllaznia të reagojnë.
Madje, përmes një reagimi të sapohedhur në faqen zyrtare të klubit, ka shpallur “non grata” atë. Ja çfarë thuhet në reagimin e kuqebluve:
REAGIM
KF Vllaznia është i detyruar të reagojë pas arbitrimit të vërejtur sot në ndeshjen Kukësi- Vllaznia, në rezultatin e së cilës mendojmë se ka patur ndikim edhe arbitrimi.
Tentativat e arbitrit kryesor që në minutat e para për të ndëshkuar lojtarët tanë me kartona të verdhë, akordimi i faullave afër zonës sonë për të favorizuar kundërshtarin (nga një faull erdhi goli i parë i vendasve),
apo dhe rasti më fatal i mosakordimit të një 11-metërshi mëse të pastër, janë fakte të mjaftueshme për pretendimet tona.
Pa lënë mënjanë edhe ndëshkimin me 7 kartona për të na dëmtuar ne dhe padyshim për të favorizuar në mënyrë indirekte kundërshtarët tanë në garë.
Pikërisht, nisur nga këto raste, mendojmë se rezultati i ndeshjes do të ishte ndryshe.
Në këto rrethana, dënojmë ashpër një sjellje të tij në fushë të këtij arbitri.
Kampionati po shkon gradualisht drejt fundit dhe gara sa vjen e bëhet më e vështirë prandaj kurrsesi arbitrat nuk duhet të vendosin fatet e ndeshjeve siç bëri sot Eldorian Hamiti në Kukës.
KF Vllaznia kërkon garë të ndershme dhe korrekte deri në fund të kampionatit dhe besoj se ky është minimumi i asaj që mund të kërkojmë.
Përpos kesaj, KF Vllaznia kërkon nga FSHF që ky arbitër të mos e arbitrojë më Vllazninë në ndeshjet e ardhshme.
KF Vllaznia
