Vllaznia ne volejboll per meshkuj nuk ia ka dale dot te shkoje ne finalen e Kupes se Shqiperise te ketij sezoni. Pas humbjes 1-3 ne ndeshjen e pare ne Shijak ndaj Erzenit, ajo eshte mundur edhe sot, madje kete here me rezultatin 3-0.
Duhet thene, se ne ndryshim nga takimi i para kater diteve, kete here volejbollistet shkodrane nuk kane treguar asgje nga vlerat e tyre te verteta dhe ndonese kishin shanse per kualifikim, ne fakt per asnje moment nuk u shfaqen te tille.
Ekipi shkodran e ka humbur setin e pare te ndeshjes se luajtur sonte ne “Qazim Dervishi” me rezultatin 25-13. Nje diference e tille e madhe pikesh, i demoralizoi kuqeblute te cilet ndonese u perpoqen ne setin e dyte, serish e humben edhe ate, kete here 21-25.
Me humbjen e ketij seti gjithçka mori fund sa i takon çeshtjes se kualifikimit dhe per kete arsye, seti i trete ka qene thjesht nje formalitet per t’u kryer dhe Erzeni e ka fituar edhe ate, me shifrat 25-15 dhe kesisoj krejt ndeshjen me rezultatin e paster 3-0.
Ne kete menyre jane shijakasit ata qe shkojne ne finalen e Kupes ku pritet qe te kene perballe ekipin e Partizanit. Ne rradhet e shijakasve luajne edhe dy shkodranet Gledis Lloshi e Marjan Gjoklaj dhe pas titullit kampion te fituar tre sezone me pare me Vllaznine, kane mundesi te fitojne serish trofe, por kete here me fanellen e Erzenit.
www.shkodrasport.com
