Kishte disa ditë që ishte mbyllur, por sot ka ardhur zyrtarizimi edhe nga vetë klubi shkodran. Përmes një postimi të bërë në faqen e tij, është njoftuar mbyllja e bashkëpunimit pas tre vitesh me futbollistin Eslit Sala. Pas tre vitesh me këtë skuadër, tashmë mesfushori 26 vjeçar do të mendojë të nisë një eksperiencë të re në karrierën e tij.
Ja postimi i KF Vllaznia për largimin e rradhës:
“Faleminderit, Eslit Sala!
Rrugëtimi yt me fanellën kuqeblu mbyllet, por kontributi dhe përkushtimi yt do të mbeten pjesë e Vllaznisë.
Klubi të falënderon për profesionalizmin, sakrificat dhe çdo minutë të dhënë në fushën e lojës, duke mbrojtur me dinjitet ngjyrat e Vllaznisë.
Të urojmë suksese në çdo hap të karrierës dhe të ardhmes tënde.
Faleminderit për gjithçka dhe suksese, Eslit!”
