Barkiçi: Erkand Qerimaj dhe Romela Begaj, janë nderi i Shqipërisë

Trajneri i kombëtares shqiptare të peshëngritjes Genc Barkiçi është kthyer dje nga Turqia ku ka qenë me ekipin në Kampionatin Europian dhe duke analizuar rezultatet e arritura, shprehet mjaft i kënaqur për mënyrën si shkuan gjërat. Në intervistën e tij për gazetën online www.shkodrasport.com, ai do të shprehej: "Rezultatet e larta të peshëngritjes shqiptare tashmë nuk janë më një risi. Fakti që nga çdo aktvitet ku marrim pjesë, kthehemi me medalje e tregon më së miri këtë gjë. Por rezultatet e fundit në Turqi janë më të lartat që kemi arritur ndonjëherë në historinë e këtij sporti. Titulli Kampion Europe i Erkand Qerimajt, është i pari në historinë e peshëngritjes shqiptare me të rriturit dhe po ashtu mendoj se medalje të artë ka marrë edhe Romela Begaj të cilës iu vodh ky vend nga një gjyqtar. Themi që kemi arrit majën më të lartë të këtij sporti por vetëm për momentin sepse kemi ende të bëjmë.

Erkand Qerimaj merr titullin “Nderi I Akademisë së Shkencave”

Titulli Kampion Europe që mori pak ditë më parë në Turqi Erkand Qerimaj, është pasuar nga një titull tjetër, këtë herë jo të fituar. Këtë herë ka qenë Akademia e Shkencave ajo që ka nderuar me titullin e lartë...

Erkand Qerimaj: Medaljet e mia shkojnë për Shkodrën time

Kampioni I Europës Erkand Qerimaj është pritur si hero I vërtetë sot në qytetin e tij- Shkodër. Bashkia e këtij qyteti, ashtu siç pritej, kishte marrë të gjitha masat për pritej në mënyrën e duhur të këtij kampioni. Autobuzi me tifozët është nisur në mëngjes herët, në orën 06.00 drejt aeroportit të Rinasit. Bashkë me të, kanë qenë edhe familjarët e Erkandit por nuk ka munguar nënkryetari I Bashkisë Ritvan Troshani, shefi I klubit Vllaznia Gëzim Mema etj. Në fakt nuk është hera e parë, që Shkodra, e në mënyrë të veçantë sportëdashësit dhe mbarë opinion në këtë qytet tregojnë se dinë të vlerësojnë njerëzit me kontribute mjaft të larta, e pikërisht peshëngritësin Erkand Qerimaj. Mbërritja në qytetin e Shkodrës ka qenë rreth orës 11.00, që me gjithë shiun që binte pa pushim, ishin të shumtë, ata që prisnin vargun e gjatë të makinave, ku printe si zakonisht ajo e kampionit Erkand Qerimaj. Të gjitha makinat ishin të mbuluara me flamujt kombëtar, kuq e zi. Kishin dalë për ta pritur edhe prefektja Voltana Ademi, kryetari I Këshillit të Qarkut Maxhid Cungu, kryetari I Bashkisë Lorenc Luka etj.

Mehdi Qerimaj: Për pak na la zemra duke parë Erkandin

Triumfi I Erkand Qerimajt në kampionatin Europian që po zhvillohet në Turqi teksa ai ka zënë vendin e parë dhe është shpallur kampion Europe në peshën 77 kg, është pritur me shumë emocione në Shkodër. Më së shumti tek familjarët e tij. Babai I tij- Mehdia duke rrëfyer emocionet që ka përjetuar, njëkohësisht I lutet Zotit që e ka ruajtur nga ndonjë infrakt në ato momente të garës së Erkandit dhe njëkohësisht deklaron se ashtu si gjithë shqiptarët është krenar për djalin e tij. "Ka qenë një gëzim i papërshkrueshëm momenti i garës. Ankth, tension dhe në fund gëzim. Për fat të mirë nuk pësuam ndonjë dramë sepse si unë ashtu edhe gruaja kemi qenë me ilaçet e zemrës në dorë, gati për ndonjë të papritur sepse çfarëdo mund të ndodhte, pse jo edhe ndonjë infrakt në ato momente. Për fat, asgjë e keqe. Gëzuam dhe festuam suksesin e djalit tonë. Sigurisht që ndihem krenar për suksesin e djalit tim ashtu siç besoj ndihen të gjithë shqiptarët"- ka thënë ai.

Bashkia Shkodër, gati të presë si hero Erkand Qerimajn

Suksesi i Erkand Qerimajt në kampionatin Europian të Turqisë, nuk mund të kalonte në heshtje nga Bashkia Shkodër. Pikërisht për këtë gjë, dje është ngritur një grup pune për pritjen me të gjitha nderimet e duhura të këtij sportisti. Ky grup kryesohet nga nënkryetari i Bashkisë Ritvan Troshani. Nga sa ka bërë të ditur ai vetë dje për mediat, Qerimaj do mbërrijnë në Shqipëri paraditen e së dielës dhe për këtë arsye, Bashkia ka vënë në dispozicion për tifozët autobuzë që do nisen në orën 06.00 të mëngjesit para teatrit "Migjeni", për të marrë rrugën drejt aeroportit të Rinasit.

Faleminderit Erkand Qerimaj!

Opinion nga Senad NIKSHIQI Triumfator. Lotë gëzimi. Rrënqethje trupi. Ndjenja zemre për flamurin kuqezi. Krenar për tingujt e himnit Kombëtar. Ky është djali i Shkodrës, i Shqipërisë. Tempullin e Antalias e flakëroi me shqiponjën dykrenare. Në Turqinë ekzotike Erkand...

Erkand Qerimaj shpallet Kampion Europe në Turqi

Peshëngritësi i talentuar shkodran Erkand Qerimaj është shpallur sonte kampion Europe në kampionatin Europian që është duke u zhvilluar në Turqi. Ai ka arritur t'i sfidojë të gjithë rivalët e tij duke treguar një performancë të shkëlqyer. Ka arritur të jetë i suksesshëm në stilin e shkëputjes teksa i ka realizuar të tri ngritjet me 153, 156 dhe 158 kg dhe me 1 kg më pak se rumuni Razvan Martin është renditur i dyti në këtë stil duke merituar medaljen e argjendtë. Por shpërthimi i Erkandit ka ardhur në stilin e shtytjes. Ai ka realizuar me sukses provën e parë me 187 kh duke siguruar zonën e medaljeve dhe me 190 kg në provën tjetër, ka arritur t'i sfidojë të gjithë në këtë peshë duke zënë vendin e parë dhe duke marrë medaljen e artë.

Erkand Qerimaj, neser gara per Kampionatin Europian

Neser mbrema ne oren 19.00 ne Turqi ne garat e Kampionatit Europian do te konkurroje peshengritesi shkodran Erkand Qerimaj. Ai do garoje ne peshen 77 kg dhe ka pretendime serioze per te hyre ne zonen e medaljeve. Qerimaj eshte nder sportistet me cilesore te ekipit tone kombetar tek i cili jane perqendruar te gjithe. Forma sportive e tij duket shume e mire. Njeri nga trajneret qe ka punuar me te para nisjes per ne Europian, pikerisht trajneri i ekipit te Vllaznise Muhamet Tuzi, duke folur per gazeten online www.shkodrasport.com ka thene: "Erkandi ka bere nje stervitje shume te mire gjate kesaj periudhe. Me ato qe ka paraqitur ne stervitje, nese i arrin edhe ne Europian, me siguri qe do te futet ne zonen e medaljeve. Sigurisht qe duhet edhe pak fat dhe shpresojme qe kete here, te arrije suksesin. Une kam shume besim tek ai".

Isa Bala: Pretendoj një vend në 10-she në Europian

Një nga peshëngritësit më të mirë të vendit prej vitesh, natyrisht që është edhe shkodrani Isa Bala. Në fillim të muajit mars të këtij viti, në garat e kampionatit kombëtar që u zhvilluan në Elbasan, ai doli kampion në peshën super të rëndë +105 kg. Ky ka qenë titulli i nëntë kampion për të. Përveç këtyre titujve, ka shumë arritje edhe në fushën e rekordeve të thyera teksa ato që "mbajnë firmën" e tij janë me dhjetra. Bala do jetë pjesë e ekipit kombëtar të peshëngritjes që do marrë pjesë në Kampionatin Europian që zhvillohet muajin e ardhshëm në Turqi. I pyetur në lidhje me objektivat e tij, ai do shprehej: "Objektivi im në Europian është të renditem ndër 10 sportistët më të mirë të kontinentit në peshën time. Gëzoj një formë të mirë sportive dhe besoj se paraqitja në Turqi do jetë e mirë".

Qerimaj e Bala, dy shkodranë në Europianin e Turqisë

Dy peshëngritës të Vllaznisë do jenë pjesë e ekipit kombëtar shqiptar që do marrë pjesë në Kampionatin Europian të peshëngritjes që do të zhvillohet në Antalia të Turqisë në datat 6-16 prill. Ata janë pikërisht Erkand Qerimaj dhe Isa Bala. të dy këta sportistë sapo janë shpallur edhe kampion të Shqipërisë, në kampionatin e fundit që u zhvillua në Elbasan. Qerimaj doli kampion në peshën 85 kg por në fakt në Europian do konkurrojë në peshën e tij të preferuar- 77 kg. Ndërsa Bala do konkurrojë në peshën super të rëndë +105 kg. Forma e të dy sportistëve është shumë e mirë dhe kuptohet që shpresat për medalje ekzistojnë. Dy peshëngritësit shkodranë do jenë të shoqëruar edhe nga trajneri shkodran Genc Barkiçi, që është trajneri i parë i ekipit përfaqësues.

FUTBOLLI I FEMRAVE

HISTORI

error: NDALOHET KOPJIMI DHE PËRDORIMI I PA-AUTORIZUAR