Nesër miqësorja Itali- Shqipëri për U-18. Gjykon një shkodran

 

Pasditen e nesërme në Romë të Italisë do të zhvillohet një ndeshje miqësore në mes ekipeve kombëtare të 18 vjeçarëve të Italisë dhe Shqipërisë. Kombëtarja jonë e drejtuar nga Foto Strakosha ka udhëtuar që dje drejt vendit fqinj. Në përbërje të saj do të jetë edhe një futbollist i Vllaznisë pikërisht 17 vjeçari i talentuar Arlind Kalaja. Ai është i vetmi shkodran i thirrur nga trajneri Strakosha për këtë miqësore e cila do të luhet nesër në orën 14.30. Por një lajm shumë interesant vjen nga Italia. Miqësoren në fjalë do ta drejtojë një gjyqtar shqiptar, madje më mirë të themi shkodran.

Xhevahir Sukaj dy gola në fitoren e sotme 4-3 të Sepahanit

Sulmuesi shkodran është rikthyer si protagonist sërish për skuadrën e tij Sepahan teksa në ndeshjen e sotme, e para për këtë vit, ka shënuar dy gola. Ka ndodhur kështu në ndeshjen Sepahan- Zob Ahan që përfundoi 4-3 në favor të skuadrës së sulmuesit shkodran.Goli i parë i ndeshjes është shënuar pikërisht nga Sukaj në minutën e 7-të. Shkodrani ka dyfishuar sërish rezultatin në minutën e 15-të dhe u krijua përshtypja se do ishte një fitore e lehtë për Sepahanin ngaqë luante përballë një skuadre që ndodhej në vendet e fundit të tabelës së renditjes.

Amerikanët e DC United, gati shitjen e sulmuesit Hamdi Salihi

E ardhmja e sulmuesit Hamdi Salihi në kampionatin amerikan të futbollit duket gjithnjë e më e largët. Skuadra amerikane, DC United, vazhdon të ketë bisedime intensive me sulmuesin shqiptar, Hamdi Salihi, në lidhje me të ardhmen e bomberit shkodran. Lajmin e bënë të ditur mediat amerikane, të cilat cituan drejtorin e përgjithshëm të klubit Dejv Kasper. Në fakt, Salihi ka një kontratë të garantuar edhe për sezonin e ardhshëm, por duket se për të ka interesime nga klube “përtej oqeanit”, pra në Europë dhe të transferohet edhe gjatë merkatos së dimrit.

Xhevahir Sukaj zgjat kontratën me Sepahanin edhe për dy vjet

I ka rezultuar me fat sulmuesit shkodran përjashtimi nga Vllaznia një vit më parë. Kalimi tek skuadra iraniane e Sepahanit po kthehet në një nga sukseset më të mëdha të karrierës së tij. 25 vjeçari shkodran duket se ka ndër mend të qëndrojë gjatë tek kjo skuadër teksa ditët e fundit e ka rinovuar kontratën me të. Lajmi është bërë i ditur nga vetë lojtari nga Irani i largët. Ai ka rinovuar edhe për dy vite të tjera, çka do të thotë se deri në vitin 2015, do të vazhdojë të luajë me Sepahanin.

Mbarojnë pushime për Bekim Balën. Kthehet në Pragë tek Sparta

Sulmuesi 21 vjeçar shkodran Bekim Bala i ka dhënë fund pushimeve të fundvitit teksa ditën e sotme ai ka lënë Shkodrën për t'u kthyer sërish në Pragë tek Sparta. Ai nuk ka patur më tepër ditë pushimi në dispozicion por vetëm sa për të festuar ndërrimin e viteve dhe vetëm në ditën e dytë të vitit të ri, ka marrë rrugën për në Çeki. Kjo ngaqë më datë 4 janar, Sparta e Pragës nis stërvitjet për fazën e dytë të kampionatit por edhe për ndeshjet e Europa League. Siç dihet, Sparta ka kaluar grupin dhe sipas shortit të hedhur, do të ndeshet me as më shumë dhe as më pak por me Çelsin e Londrës.

Sparta vlerëson paraqitjen e sulmuesit shkodran Bekim Bala

Ditën e djeshme nëpërmjet faqes zyrtare të Spartës së Pragës është mësuar edhe vlerësimi për disa futbollistë që u aktivizuan gjatë fazës së parë në këtë skuadër. Midis tyre bënte pjesë edhe sulmuesi shkodran Bekim Bala, paraqitjet e të cilit janë vlerësuar pozitivisht. Bekim Bala u transferua nga Tirana te Sparta në muajt e verës, duke bërë kështu një hap të rëndësishëm në karrierën tij. Gjatë pjesës së parë të kampionatit, sulmuesi shkodran nuk është aktivizuar shpesh, por për minutat që ai ka qenë në fushën e lojës, ai është vlerësuar si një lojtar i rëndësishëm për ekipin e njohur çek.

Një bisedë me Barbullushin dhe shumë probleme

 Nga RAMADAN BIGZA

Biseda me Adrian Barbullushin, një emër të njohur i futbollit tonë, i larguar disi nga skena e tij nuk ishte thjesht një bisedë mes një gazetari dhe një ish-futbollisti, por shumë më tepër se kaq. Nga kjo bisedë kujtuam shumë gjëra që i mungojnë sot futbollit tonë, organizimit të tij. Fjala vjen, sot nuk ka shkolla futbolli nëpër rrethe, apo në shtëpitë e pionierëve nuk flitet më për futboll, madje nuk ekzistojnë fare këto shtëpi.

Xhevahir Sukaj shënon dhe kualifikon Sepahanin në Kupën e Iranit

Sulmuesi shkodran Xhevahir Sukaj është shfaqur sërish si protagonist për skuadrën e tij Sepahan. Në ndeshjen e sotme, të luajtur ndaj ekipit Mes Rafsanjan, e vlefshme për Kupën e Iranit, ai ka shënuar golin vendimtar, atë të fitores 1-0 dhe të kualifikimit për në turin tjetër të këtij kompeticioni. Ndeshja ka qenë duke shkuar drejt barazimit dhe gjuajtjes së 11-metërshave por ka vendosur goli i Sukajt pikërisht në minutën e 109-të të ndeshjes.

Armando Vajushi, tjetër gol për Liteksin. Këtë herë në Kupë

Mesfushori shkodran Armando Vajushi shfaqet sërish si golashënues për Liteksin. E ka bërë këtë gjë edhe mbrëmë në ndeshjen e Kupës së Bullgarisë të luajtur ndaj  Spartak Varnës duke mbyllur fitoren e thellë 6-1 të skuadrës së tij ngaqë ishte goli i fundit i kësaj ndeshje. Bjondi 21 vjeçar ka bërë një tjetër paraqitje të mirë edhe në këtë takim, jo vetëm duke shënuar por edhe duke dhënë asiste për shokët e tij të skuadrës.

Vajushi 90′ në fushë, Liteksi fiton dhe është në vendin e tretë

Skuadra bullgare e Liteksit, vazhdon serinë e rezultateve pozitive në kampionatin e këtij vendi teksa pasditen e sotme, ajo ka fituar ndaj ekipit Chernomorets Burgas me rezultatin 1-0. Protagonist edhe në këtë ndeshje ka qenë futbollisti shkodran Armando Vajushi që ka qenë një nga më të mirët në fushë. Ai ka dhënë një kontribut shumë të madh në lojë, teksa në një moment madje ka shpëtuar edhe portën e tij nga pësimi i një goli të sigurtë. Ka qenë një takim me lojë të fortë sportive, madje Vajushi në minutën e 40-të është ndëshkuar edhe me karton të verdhë.

FUTBOLLI I FEMRAVE

HISTORI

error: NDALOHET KOPJIMI DHE PËRDORIMI I PA-AUTORIZUAR