SPORTE TE TJERA

Ka rezultuar i suksesshëm turneu i zhvilluar sot në Podgoricë për tre xhudistët e Vllaznisë. Të tre ata kanë arritur të bëjnë një paraqitje të mirë duke fituar disa ndeshje teksa janë fituar edhe tre medalje, një argjendi dhe dy bronzi. Më i suksesshmi sigurisht që ka rezultuar Lurian Kaçi i cili duke konkurruar në peshën 66 kg, ka arritur të fitojë tre ndeshje dhe është mundur vetëm në finale duke merituar kësisoj medaljen e argjendtë. Ndërkohë në peshën 60 kg, Krismando Bisha ka fituar dy ndeshje dhe ka merituar medaljen e bronztë. Këtë medalje ka marrë edhe Luigj Shkoza në peshën 73 kg me dy ndeshje të fituara.

Çiklisti i Vllaznisë Bruno Kola vetëm pak ditë pas suksesit në Rrethin Çiklistik të Shqipërisë ku zuri vendin e parë, sot ka arritur një tjetër. Këtë herë në Prizren të Kosovës. Ai ka zënë vendin e parë dhe ka merituar kupën në turneun-memorial "Shaban Shala". Por jo vetëm kaq.

Pas shkrirjes së ekipeve të mundjes të klubit Vllaznia pas fillimit të viteve ’90, ato u krijuan sërish në vitin 1998. Drejtuesit e klubit bënë çmos për ta kthyer këtë sport elitar dhe një vit më vonë pranë mundjes ofrohet edhe biznesmeni Ilmi Kurti që zgjidhet edhe si president i këtij sporti, post që e mban deri në vitin 2006.

Prej disa vitesh ky sport në Shkodër nuk ka ekzistuar megjithatë falë punës dhe pasionit të Elion Pukës, tashmë edhe në këtë qytet ka taekondo. I rikthyer nga Italia ku jetoi dhe u specializua, ky dashamirës dhe ushtrues i këtij sporti, menjëherë nisi punën për përhapjen e këtij sporti dhe ngritjen e ekipit të Vllaznisë sërish. E ka bërë këtë gjë në mënyrë të shkëlqyer dhe pas një muaji e gjysëm që nga nisja e punës, sot në stërvitje janë plot 24 sportistë që e ushtrojnë këtë art marcial. Stërvitja bëhet çdo ditë në palestrën e shkollës "Ali Laçej" dhe ajo çfarë vërëhet është serioziteti me të cilin punohet.

Paraditen e sotme çiklistët e 11 ekipeve pjesmarrëse të Rrethit të 71-të Çiklistik të Shqipërisë kanë lënë Shkodrën dhe kanë marrë rrugën drejt Burrelit për të  nisur kështu etapën e dytë të tij. Para nisjes është zhvilluar edhe ceremonia e nderimit të fituesve të ditës së parë ku kanë marrë pjesë drejtuesit e Federatës Shqiptare të Çiklizmit si dhe ato të klubit shumësportësh Vllaznia që kanë akorduar edhe shpërblime për tre vendet e para.