Vora pa frena në merkato, teksa këtë herë ka zyrtarizuar edhe dy afrime të tjera.
Jasmin Raboshta, golashënuesi më i mirë i Erzenit që u ngjit në Superiore, ka firmosur për dy vite me Vorën. Shkodrani është një prurje cilësore për Vorën, e cila do të tentojë menjëherë rikthimin në Kategorinë e Parë.
Në sezonin e kaluar ai arriti të shënonte 14 gola. Por jo vetëm Raboshta, pasi Vora ka zyrtarizuar edhe portierin Isli Hidi, i cili ka një karrierë të madhe futbollistike. Pas mbylljes së aventurës po me Erzenin, Hidi nga sezoni i ri do të mbrojë katërkëndorin e Vorës.
STRATEGJIA – Me afrimet e fundit Vora po krijon një ekip me strategji të qartë, dhe synimi patjetër që do të jetë ngjitja direkt në Kategorinë e parë. Nga Bashkia e Vorës kanë siguruar mbështetje të plotë për klubin si dhe financa të shëndosha për të gjithë sezonin e ri.
Pas afrimit të Artan Mërgjyshit si trajner dhe Eldiano Topit si administrator i klubit, më parë kanë firmosur edhe mesfushori Orjan Xhemalaj që erdhi nga Erzeni.
Gjithashtu nga Superiorja është afruar Artur Magani që ishte pjesë e Egnatias, mbrojtësi i majtë i Skënderbeut Jurgen Vrapi, qendërmbrojtësi Eglentin Gjoni nga Ulpiana në Kosovë, Okseold Sefa nga akademia e Tiranës dhe mbrojtësi Amri Kallaku nga Iliria.
