Egnatia zhvilloi një sezon fantastik në Superiore. Rrogozhinasit arritën të renditeshin të 3-tët në tabelën e klasifikimit si dhe fituan për herë të parë Kupën e Shqipërisë.
Pavarësisht suksesit të arritur sërish ka largime.
Nga Rrogozhina është larguar Vullnet Manushi. Përgatitësi atletik ka mbyllur aventurën e tij me Egnatian.
Manushi ishte një nga “besnikët” e Shpëtim Duros dhe Edlir Tetovës, me të cilët punoi që në fillim të sezonit.
Në këtë mënyrë Tetovës i largohet një pjesëtar i stafit teknik pak para kupave të Europës, me drejtuesit që duhet të gjejnë zëvendësuesin e tij.
