Tirana do të presë Vllazninë në kuadër të javës së 17-të të Superiores. Një tjetër takim spektakolar pritet të jetë mes dy ekipeve që i japin tonin futbollit shqiptar.
Në Klasiken e Shqipërisë vihen përballë dy ekipet më të titulluara në vendin tonë, teksa kanë detyrim vetëm fitoren. Bardheblutë do të luftojnë fort për t’u rikthyer te fitorja në kampionët që iu mungon prej 3 ndeshjesh.
Ndaj shkodranëve Julian Ahmataj do të ketë edhe një rikthim shumë të rnëdësishëm. Florjan Përgjoni do të jetë i gatshëm ndaj kuqebluve do të rimarrë vendin e tij në formacionin kryeqytetas. Kujtojmë se mbrojtësi ishte i pezulluar për duelin me Laçin për shkak kartonësh, teksa tashmë në sfidën e radhës do të mund të japë kontributin e tij.
Ndërkohë vazhdojnë të mungojnë Qefalia, Selmani dhe Patrick. Të 3 lojtarët janë të dëmtuar dhe ende nuk kanë mundur të rikuperohen./newsport/
