Është mbyllur në barazim pa gola ndeshja mes Holandës dhe Francës.
Të dyja skuadrat patën 3 gjuajtje drejt portës, teksa francezët dominuan me një avantazh të lehtë në kontrollin e topit. Holandës gjithashtu iu anulua një gol i Xavi Simons për pozicion jashtë loje.
Sakaq, nuk pati minuta për Kylian Mbappe edhe pse sulmuesi ishte në stol, megjithatë trajneri Didier Deschamps vendosi të mos e rrezikojë pas thyerjes së hundës në ndeshjen e parë ndaj Austrisë.
Ndeshja është e vlefshme për grupin D, për të cilin më herët luajtën Polonia dhe Austria, ndeshje që u mbyll me fitoren e kësaj të fundit 3-1.Me këtë rezultat në krye të grupit është Holanda me 4 pikë, ndjekur nga Franca me pikë të barabarta. Austria është në vendin e tretë me 3 pikë, teksa Polonia ka 0 pikë.
