Dy ditë më parë Basania mbushi 6 vjeçe dhe padyshim që një përvjetor i tillë nuk mund të kalonte në harresë nga drejtuesit e saj. Përmes një postimi të bërë në faqen zyrtare, klubi i kategorisë së dytë përmend shumë emocione të përjetuara në këto 6 vite, por nga ana tjetër ka përmendur edhe neglizhencën e pushtetit lokal për ta mbështetur, e po ashtu edhe indiferencën e bizeneseve lokale.
Pavarësisht këtyre problemeve, tek Basania duken të vendosur për të ecur më përpara. Ja postimi i plotë i këtij klubi në përvjetorin e gjashtë të krijimit të tij:
“15.06.2020-15.06.202, 6 vite Basania Football Club.
Do të duheshin orë të tëra dokumentaresh për të përshkruar emocionet dhe ndodhitë e këtyre 6 viteve unike për sportin e zonës, ndaj edhe pyesim veten të habitur…
…A mos ndoshta më shumë sepse në vetëm 6 vite duket e pamundur?
6 VITE BASHKË, në një rrugëtim të përbashkët me ëndrrat e qindra fëmijëve & të rinjve që kanë qënë apo janë pjesë e Basania FC.
6 vite punë e sakrificë së bashku me familjarët e fëmijëve & të rinjve, pa u lodhur e pa u ndalur në fokusin e përbashkët për të ardhme më të mirë.
E me keq’ardhje duhet thënë edhe…
….6 VITE VETËM sa i përket mbështetjes së Pushtetit Vendor e pse mos ta themi edhe Indiferenca e Bizneseve Lokale nuk korrespondon me qytetarinë sportdashëse të zonës dhe civilizimin që e karakterizon.
E megjithate, Basania FC nuk ndikohet nga VOGËLSIA e askujt e do të vijojë të shënojë edhe pafund përvjetorë të tjerë,
sepse Basania FC është lindur nga pasioni dhe rritur përulësisht me MADHËSHTINË e dinjitetit n’gen.
Mirënjohje pafund çdo’kujt që ka dhënë kontributin e Tij/Saj tek Basania FC!
Falenderues edhe ndaj qindra sportdashësve që e ndjejnë dhe i përjetojnë zhvillimet rreth dhe tek Basania FC.
Falemnderit të gjithve me zemër! Sport, dinjitet, qytetari. Basania FC”
