Analisti i futbollit Artan Shyti deklaroi se humbja me Turqinë nuk duhet ta konsiderojmë si tragjedi. Në emisionin “Fair Play” te “Ora News”, Shqipëria është 10 herë më e dobët se Turqia në të gjitha aspektet e zhvillimit të futbollit.
“Ekipin duhet ta nxjerrim nga kjo situatë. Më vjen për të qeshur kur dëgjoja pas humbjes me Turqinë. Ne nuk kemi asnjë parametër futbolli.
I kemi 10 herë më keq parametrat se Turqia, qoftë me trajnerë, qoftë me klube, qoftë me fusha, qoftë me nivel. Duam t’i mundim, por nuk mundemi dot. Nuk është fundi i botës.
Ata nuk erdhën të na thyenin këmbët. Erdhën për të marrë fitoren dhe mbaruan punë”, u shpreh Shyti.
