Presidenti i Federatës Sqhiptare të Futbollit, Armand Duka, është i ftuar në emisionin “Show Katar 2022” nga moderatorja Hygerta Sako në RTSH Sport. Tema është gjithmonë Botërori dhe pas dy ndeshjeve të sotme, Armand Duka është pyetur për organizimin e deritanishëm të këtij eventi dhe për ekipin që ai preferon.
“Në përgjithësi këto lloj evenimentesh janë të vështira t’u gjehen të meta, janë nivel maksimal organizimi. Katari e priti me shumë diskutime por cdo gjë ishte perfekte, stadiume të bukura cdo gjë për tu shijuar e për tu ndjekur.
Nuk jam tifoz i vecantë mbase edhe për arsye të detyres pasi jam shumë tifoz me Shqipërinë por kam një simpati për Brazilin. E mendoja finalist bashkë me Francën por ky është futbolli.”- tha Duka.
Ne fakt parashikimi i presidentit te futbollit shqiptar ka rene poshte pasi Brazili eshte eliminuar tashme, nderkohe qe Franca vazhdon te jete ende ne gare dhe sigurisht qe eshte nje pretendente serioze per fitimin e titullit kampion.
