Kanë përfunduar 5 ndeshje të javës së 23-të të Kategorisë së Parë, që ishin edhe sfidat e para të fazës së tretë të kampionatit.Apolonia rikthehet te suksesi, pasi fiton me rezultatin e pastër 2-0 përballë Kastriotit në “Loni Papuçiu”. Fierakët ngjiten në kuotën e 34 pikëve, ndërsa krutanët mbeten 23 pikë.
Vora nuk gabon në shtëpi dhe mposht me rezultatin e thellë 3-0 Besën. Pjesa e parë mbyllet në barazim pa gola, por vendasit shpërthejnë në pjesën e dytë duke shënuar 3 gola në portën e skuadrës nga Kavaja.
Kryesuesit e Bylisit mundin në shtëpi 2-1 Tomorin dhe konsolidojnë pozitat e tyre në krye të renditjes. Korabi fiton përballjen direkte përballë Lushnjës me rezultatin 2-1 dhe konsolidon pozitat në zonën e Play Off-it.
Surpriza e ditës vjen nga Vlora, aty ky Flamurtari është mundur në shtëpi nga Burreli 1-0. Ndalet vrulli i vlonjatëve, ndërsa matjanët marrin tre pikë të arta në luftën për mbijetesë.
Java e 23-të do të mbyllet në mbrëmje me takimin mes Elbasanit dhe Luzit.
Kategoria e Parë – Java e 23-të
Vora-Besa 3-0
Prengaj 47’, Raboshta 49’, Qardaku 64’
Bylis-Tomori 2-1
Ruçi 17’, Kibe 64’ / Hysolli 40’
Flamurtari-Burreli 0-1
Ferruku 49’
Apolonia-Kastrioti 2-0
Umejiego 28’, Bejzade 38’
Korabi-Lushnja 2-1
Çema 26’, Kasalla 90+5’ / Olola 47’
Elbasani-Luzi ora 18:00
