BOKS

Suksesi I sportit të boksit në Memorialin e zhvilluar fundjavën e kaluar në Shkodër, ka zënë edhe pjesën më të madhe të emisionit “Sport Arena” të kësaj jave në televizionin Rozafa. I ftuar në studio ka qenë trajneri I Vllaznisë dhe njëkohësisht I kombëtares shqiptare Zef Gjoni që padyshim ka vlerësuar organizimin e këtij aktiviteti por edhe nivelin e paraqitur nga boksierët tanë. "Treguam edhe njëherë se dimë të presim e të organizojmë aktivitete shumë të rëndësishme. Kuptohet që nuk ishte e lehtë sepse mysafirë ishin shtete me boks të zhvilluar që marrin pjesë në turne të rëndësishëm. Por klubi Vllaznia me ndihmën e Bashkisë Shkodër bënë që gjërat të shkojnë mirë. Jam shumë i kënaqur edhe sa i takon cilësisë së ndeshjeve të zhvilluara.

Memoriali i XII-të Ndërkombëtar "Vllaznia 2015" në boks është mbyllur në mënyrën më të mirë të mundshme. Një orgazim perfekt, një pjesmarrje e madhe dhe me boksierë shumë cilësorë nga 10 shtete të Europës dhe ajo çka është më e rëndësishmja, vend i parë për kombëtaren shqiptare në renditjen ekipore. Përveç kësaj, boksieri Rexhildo Zeneli ka marrë kupën e sportistit më të mirë të aktivitetit. Ndeshjet finale kanë dhuruar sfida shumë interesante dhe në fund, ka patur dy vende të para për boksierët e Shqipërisë (Krenar dhe Rexhildo Zeneli), dy vende të para edhe për Gjermaninë, Italinë e Kazakistanin ndërsa nga një vend të parë kanë zënë Bullgaria e Kosova. Në ceremoninë e dorëzimit të medaljeve dhe të kupave ka marrë pjesë edhe drejtori i sportit në Ministrinë e Arsimit dhe të Sportit, z. Vladimir Gjonaj, presidenti i Federatës së Boksit Gjergj Leqejza e të tjerë personalitete.

Ndeshjet e ditës së dytë të Memorialit "Vllaznia 2015" kanë dhuruar sërish emocione të shumta. Në 14 takimet e zhvilluara, më shumë fitore kanë arritur boksierët e kombëtares sonë teksa janë fituar tre ndeshje pikërisht nga Rexhildo Zeneli, Alban Beqiri dhe Aleksander Rama. Kanë humbur ndërkohë Ardit Nurja dhe Emanuel Kaçaj. Takimet janë zhvilluar shumë të bukura dhe ka rënë në sy edhe prania në këto ndeshje e kandidatit për president të Federatës Shqiptare të Boksit, z. Florent Kalivopulli. Ja rezultatet e sotme:

Pasditen e sotme ka nisur në Shkodër Memoriali i 12-të Ndërkombëtar i Boksit "Vllaznia 2015". Një Memorial që zhvillohet në nderim të ish- boksierëvë shkodranë që nuk jetojnë më si Shyqyri Halili, Dervish Efovija, Ndoc Gjoni, Fadil Efovija, Kolec Ashiku, Ymer Gruda, Lem Kosova, Shpresim Bregu e Nazmi Halili. Në edicionin e sivjetëm marrin pjesë boksierë nga 10 shtete dhe pikërisht nga Shqipëria, Italia, Gjermania, Spanja, Kazakistani, Çekia, Bullgaria, Kosova, Mali i Zi dhe Maqedonia. Në ditën e parë janë zhvilluar 14 ndeshje ku ka rënë në sy paraqitja e boksierëve nga Kazakistani të cilët kanë fituar 4 ndeshje ndërsa nga dy fitore kanë arritur ekipet e Shqipërisë, Gjermanisë, Spanjës e Bullgarisë ndërsa nga një fitore Kosova dhe Mali i Zi.

Memoriali I 12-të ndërkombëtar I boksit starton të enjten pasdite në pallatin e sportit “Qazim Dervishi” dhe tashmë çdo gjë duket gati për nisjen e tij. Ekipet pjesmarrëse kanë filluar të mbërrijnë në Shkodër ndërkohë që edhe kombëtarja shqiptare është gati për të bërë një paraqitje të mirë në këtë turne të rëndësishëm. Trajneri I saj Zef Gjoni është I bindur se me 2-3 sportistë, Shqipëria do të jetë në zonën e medaljeve. "Do të marrim pjesë me një ekip të plotë por kjo nuk do të thotë se pretendojmë me të gjithë. Kuptohet, synimi jonë është që në 2-3 pesha të paraqitemi denjësisht sepse përballë do kemi boksierë shumë të mirë nga vendet e tjera"- thotë ai.

Boksieri i talentuar shkodran Kristian Demaj është dëmtuar ditët e fundit në stërvitje dhe për këtë arsye nuk do mundet të marrë dot pjesë në Memorialin Ndërkombëtar të boksit që nis javën e ardhshme në Shkodër. Vetë boksieri ka shprehur keqardhjen e tij për këtë dëmtim dhe për gazetën shkodrasport.com është shprehur: "Pas një dëmtimi serioz në dorën e majtë gjatë seancave stërvitore, nuk do të jem i gatshëm për të marrë pjesë në Memorialin "Vllaznia 2015" që do të zhvillohet në qytetin tonë. E them këtë me keqardhje por siguroj të gjithë simpatizantët e mi se do të jem në shkallët e pallatit të sportit në rolin e spektatorit për të ndjekë këtë turne por edhe për të mbështetur shokët e ekipit kombëtar të cilëve u uroj suksese në këtë aktivitet madhor".

Kombëtarja shqiptare e boksit që prej ditës së hënë është grumbulluar në Shkodër, në përgatitjet për memorialin ndërkombëtar që do të nisë javën e ardhshme në këtë qytet. Të grumbulluar janë 15 boksierët më të mirë të vendit të cilët në ditët në vazhdim do të seleksionohen sërish për të përzgjedhur më të mirët. Ndërkohë trajneri I kombëtares shqiptare Skënder Kurti, në një prononcim për gazetën shkodrasport.com ka bërë të ditur se pavarësisht pjesmarrjes së shumë boksierëve të njohur nga shumë vende të Europës, sërish boksierët tanë do të tentojnë të futen në zonën e medaljeve.

Ka shkuar në 9 numri i shteteve të huaja pjesmarrëse në Memorialin Ndërkombëtar "Vllaznia 2015". Sipas organizatorëve, deri më tani kanë konfirmuar pjesmarrjen e tyre ekipet e Italisë, Kazakistanit, Bullgarisë, Spanjës, Gjermanisë, Çekisë, Kosovës, Malit të Zi dhe Maqedonisë.

Tre boksierët e Vllaznisë kanë bërë një paraqitje shumë të mirë në turneun ndërkombëtare të zhvilluar fundjavën që shkoi në Pejë të Kosovës. I emërtuar “Epopeja e Dukagjinit”, në këtë turne kanë marrë pjesë të gjithë boksierët më të mirë të Kosovës, të Maqedonisë por edhe tre boksierë të ekipit të Vllaznisë së Shkodrës të drejtuar nga trajneri Zef Gjoni. Ata kanë bërë një paraqitje shumë të mirë madje boksieri Rexhildo Zeneli jo vetëm ka zënë vendin e parë në peshën e tij por ka marrë edhe kupën e boksierit më teknik të turneut. Zeneli ka konkurruar në peshën 60 kilogramë dhe ka fituar me rezultatin 3-0 me boksierin kosovar Vranovci.

Pas deklaratës së dy ditëve më parë të trajnerit të Vllaznisë Zef Gjoni që thoshte se tashmë presidenti i Federatës Gjergj Leqejza është i shkarkuar, ky i fundit nuk ka dashur t’ia dijë për këto fjalë. I kontaktuar nga gazeta, numri 1 i Federatës Shqiptare të Boksit, ka dashur t’i anashkalojë deklarata të tilla duke thënë: “Sërish ka folur trajneri Gjoni? Ia kam bërë të ditur se punën më të mirë që ai di të bëjë, është të stërvisë sportistët.