BOKS

Tre boksierë të Vllaznisë do të marrin pjesë në një tjetër turne ndërkombëtar. Bëhet fjalë për turneun që do të zhvillohet të shtunën dhe të dielën në Hercegnov të Malit të Zi. Boksierët pjesmarrës në këtë aktivitet do jenë Rexhildo Zeneli, Kristian Shytani dhe Syrjan Marinaj. Ata kanë kohë që stërviten me intensitet dhe pas pjesmarrjes së suksesshme pak kohë më parë në kupën “Pavarësia” në Kosovë, tashmë e kanë rradhën për t’u përfaqësuar në një tjetër veprimtari edhe më të rëndësishme.

Boksieri shkodran Kristian Demaj më në fund ka arritur fitoren e tij të parë në boksin gjysmëprofesionist. Në ndeshjen e zhvilluar mbrëmjen e së premtes në ringun e Polonisë, ai ka fituar ndaj boksierit vendas Tomas Kovalski. Në fakt ka qenë një sfidë shumë e fortë dhe të gjithë prisnin fitoren e boksierit vendas, ngaqë rezultati I ndeshjes në mes ekipit polak dhe atij Meksiko Guerreros ku bën pjesë shkodrani, në ato momente ishte 3-1 në favor të vendasve. Megjithatë Demaj ka bërë që të gjithë parashikimet të prishen. Boksieri ynë, I cili pikërisht dje ka festuar edhe 23 vjetorin e lindjes, ia ka bërë edhe më të bukur vetes dhe familjes së tij këtë ditë.

Boksieri shkodran Kristian Demaj do jetë sërish në ring këtë muaj për ekipin e tij Mexico Guerreros që merr pjesë në ëorld Series Boxing. Ndeshja do të zhvillohet këtë herë në Poloni teksa përballë do ketë një boksier të ekipit vendas Hussars Poland që merr pjesë në këtë ligë gjysmëprofesioniste. Ajo që vlen për t'u theksuar është se Demaj në këtë ndeshje do të jetë i shoqëruar nga një emër i njohur i boksit shkodran dhe atij shqiptar, Jetmir Kuçi i cili prej disa kohësh është edhe trajneri i tij.

Që nga paraditja e së hënës, 5 boksierë të kombëtares shqiptare të 18 vjeçarëve si dhe 6 sportistë të ekipit të Vllaznisë, bashkë edhe me trajnerët Zef Gjoni, Lazarin Vila e Jozef Sermi, janë grumbulluar për një periudhë 10 ditore në plazhin e Shëngjinit, në përgatitje të aktiviteteve të rëndësishme ndërkombëtare që i presin. Trajneri i Vllaznisë dhe njëkohësisht i kombëtares sonë, Zef Gjoni, në një prononcim për gazetën shkodrasport.com ka thënë se atë që se bëri Federata Shqiptare e Boksit për këta sportistë, e bëri kryetari i Komunës së Shëngjinit, ish-sportisti i njohur Salvator Kaçaj.

Komuniteti I sportit në Shkodër I ka bërë një pritje shumë entuziaste tre herë kampionit të botës në kik- boks Ismail Ketës. Ai ka qenë I pranishëm sot në qytetin verior për disa angazhime të tjera megjithatë moment është shfrytëzuar nga ekipi I boksit I Vllaznisë dhe ato të klubit shkodran për t’I bërë një pritje të ngrohtë në ambjentet e palestrës së boksit ku kanë qenë të ftuar edhe njerëz të tjerë të sportit. Në emër të klubit Vllaznia ka qenë trajneri I boksit Zef Gjoni ai që I ka dorëzuar një mirënjohje tre herë kampionit të botës për karrierën e tij të suksesshme ndërkohë që vetë Keta është shprehur I entuziasmuar për pritjen e bërë. “Ndjehem vërtetë I befasuar nga kjo pritje e bërë në Shkodër. Nuk e prisja një gjë të tillë.

Ka rezultuar i pafat boksieri shkodran Kristian Demaj edhe në ndeshjen e sotme të vlefshme për Ligën gjysmëprofesioniste WSB, atë të zhvilluar në Kazakistan. Si pjestar i ekipit Mexico Guerreros, ai është ndeshur me boksierin vendas Vasilii Levit dhe është mundur prej tij me rezultatin 0-3. Demaj ka qenë i pafuqishëm përballë boksierit me shumë përvojë që ka qenë kundërshtar i tij në këtë takim të zhvilluar në Kazakistan dhe ka qenë për peshën 91 kg. Ndonëse e ka filluar mbarë ndeshjen duke fituar raundin e parë por vetëm kaq. Në raundet e tjera, kundërshtari i tij ka qenë fitues dhe kjo ka bërë që gjyqtaria në fund të japë edhe fitoren për Levit.

Vjen dhe ndeshja e parë për boksierin shkodran Kristian Demaj. Ai do jetë në ring me ekipin Mexico Guerreros më 6 dhjetor në ndeshjen që ky ekip do zhvillojë në Kazakistan me vendasit e Astana Arlans. Kundërshtari i Demës do jetë boksieri Vasilli Levit, në peshën 91 kg. Siç kemi bërë të ditur pak ditë më parë, ish- boksieri i Vllaznisë firmosi një kontratë të re me ekipin meksikan, me të cilin siç dihet pat konkurruar edhe vitin e kaluar në Ligën gjysmëprofesioniste ëord Series Boxinf (ëSB). Për rrjedhojë, sipas kalendarit të përcaktuar të kësaj Lige, më 6 dhjetor do të luhen ndeshjet e javës së tretë.

Pas Kristian Demës që ka firmosur një kontratë me ekipin Meksiko Guerreros, dy boksierë të tjerë shkodranë do të përfaqësojnë ekipin e Podgoricës së Malit të Zi në Euroligë. Bëhet fjalë për Kristian Shytanin dhe Asmer Bilalin. Bashkë me ta do të jetë edhe vlonjati Krenar Zeneli. Të tre këta boksierë janë përzgjedhur nga drejtuesit e ekipit malazez për ta përfaqësuar në këtë veprimtari të rëndësishme që sapo ka nisur dhe ku marrin pjesë shumë ekipe nga vende të ndryshme të Europës.