Veleçiku mund thellësisht edhe Turbinën, 5-1

Skuadra koplikase nuk ka të ndalur. Ditën e djeshme, ajo ka mundur në fushën e saj ekipin e Turbinës së Cërrikut në kuadrin e javës së tetë të kampionatit të kategorisë së dytë. Rezultati përfundimtar i kësaj ndeshje ka qenë 5-1. Epërsia ka qenë e madhe që në fillim të takimit, shoqëruar pastaj me golin e parë të shënuar nga Çokaj në minutën e 19-të. Por miqtë kanë barazuar në minutën e 28-të me anë të Basriu. Megjithatë pjesa e parë do mbyllej me një gol tjetër të Veleçikut të shënuar nga Banushi.

Kulli: Do tentojmë t’i marrim një barazim Mamurrasit

Shtyrja e ndeshjes me Mamurrasin nuk ka patur ndonjë ndikim të madh tek Ada. Futbollistët e saj janë stërvitur edhe të dielën, edhe të hënën ndërkohë që ditën e djeshme, kanë zhvilluar sencën e zakonshme të pragndeshjes. Për trajnerin Ridvan Kulli është një sfidë shumë e vështirë sepse do përballen me një nga ekipet më të mira të kampionatit. “Unë e kam ndjekur herëpashere  Mamurrasin këtë kampionat dhe ata duhet pranuar se kanë një skuadër të mirë dhe jo më kot janë në vendet e para të renditjes. I kam ndjekur në ndeshjen me Partizanin dhe e merituan plotësisht atë fitore të pastër. Kuptohet që për ne do jetë shumë e vështirë për t’I marrë pikë aq më tepër që luajmë në fushën e tyre.

Veleçiku për fitore nesër me Turbinën për të ruajtur vendin e parë

Analiza në kampin e Veleçikut për barazimin e fundit me Olimpikun ka qenë e shkurtër nga stafi drejtues. Trajneri Duli ka kërkuar që sulmuesit të jenë më të qetë në momentin final para portës kundërshtare. Pas kësaj analize, futbollistët kanë vazhduar programin e tyre teksa puna e stafit drejtues ka qenë e planifikuar në aspektin taktik dhe teknik të skuadrës, e gërshetuar edhe me atë fizike për t’iu përshtatur terreneve të vështira ku mund të luhen këto ndeshje si pasoje e kushteve atmosferike që kanë filluar të prishen tashmë.

Veleçiku barazon 1-1 me Olimpikun. Ruan sërish vendin e parë

Skuadra koplikase nuk është munduar as sot në përballjen direkte me një nga ekipet rivale të saj Olimpikun. Ndeshja e luajtur në Tiranë është mbyllur në barazim 1-1. Golin e vetëm për Veleçikun e ka shënuar Denis Çokaj. Trajneri Besnik Duli e kishte deklaruar që në fillim të javës që shkoi se një barazim në këtë sfidë e linte skuadrën koplikase sërish në pozita të mira dhe do ishte pretendent serioz për t'u ngjitur në kategorinë e parë. Barazimi i arritur sot në këtë mënyrë, ka shtuar tashmë mundësitë dhe dëshirën për ta bërë këtë gjë.

Dy golat e Edison Pukës i japin fitoren Adës ndaj Pogradecit

Më në fund vjen fitorja për Adën. Ajo e sotmja ndaj Pogradecit ka qenë e para edhe për trajnerin e ri të kësaj skuadre Ritvan Kulli. Dy golat e sulmuesit Puka shumë shpejt, që në minutat e para të ndeshjes, kanë mjaftuar që velipojakët të arrijnë fitoren 2-0 ndaj pogradecarëve. Në minutën e 14-të pas një goditje dënimi ka mbërritur edhe goli I parë për ekipin velipojak. Sulmuesi Puka ka ndjekur mjaft mirë topin e kthyer nga portieri mik, e ka ndalur bukur atë dhe me një gjysmë rroveshiate e dërgon në rrjetë.

Veleçiku “dërrmon” Erzenin. E mund 5-0 sot në Koplik

Skuadra koplikase e ka "dërrmuar" ekipin e Erzenit të Shijakut në ndeshjen e javës së gjashtë të kampionatit të kategorisë së dytë. Veleçiku ka arritur nëj fitore të thellë në shifrat 5-0. Me këtë fitore, ai vazhdon të mbajë vendin e parë në renditje në grupin A me 15 pikë duke ruajtur pozicionin e marrë që nga java e kaluar. Pjesa e parë e ndeshjes është mbyllur në shifrat 2-0 teksa për koplikasit ka shënuar nga Çokaj dhe Ymeri ndërsa tre golat e pjesës së dytë kanë patur për autorë Rajçeviç, Hysajn dhe Miculin.

Ada luan mirë por humbet sërish: 1-3 në Fushë- Krujë

Ndeshja e sotme është zhvilluar ne kushte të vështira atmosferike. Shiu I dendur e ka shoqëruar ndeshjen nga fillimi deri në fund. Ndeshja nis me nje rast për skuadrën e Ilirisë , ku Pashako provon te gjeje në befasi portierin mik, por topi përfundon mbi tra. Më pas loja hyn në barazpeshë, por ajo që duhet pranuar është se skuadra mike duket me e favorizuar në një terren të tillë. Në të 10’ miqtë nga Velipoja zbresin për të parën herë në portën e vëndasve, Mujeci ndonëse në afërsi të portës nuk mund të shënoj për shkak se mbrojtësit miq largojnë rrezikun. 

Doçi: Ada edhe në Fushë- Krujë shkon për të marrë pikë

Në ndeshjet e fundit nuk ka luajtur për shkak të një dëmtimi dhe sigurisht që ka ndjerë keqardhje që Ada nuk ka arritur të marrë rezultatet e duhura. Edmond Doçi, një emër i njohur i kësaj skuadre, falë karrierës që ka patur me Vllazninë, kërkon t’i japë moral skuadrës në prag të ndeshjes së rradhës. Aq më tepër, që ajo përkon edhe me uljen në pankinë të trajnerit të ri Ritvan Kulli. Bashkë me këtë, do kthehet edhe vetë Doçi të luajë në këtë ndeshje pasi e ka lënë prapa dëmtimin që ka patur. Duke folur pikërisht në lidhje me takimin e sotëm ndaj Ilirisë që do të luhet në Fushë- Krujë, mbrojtësi i majtë i skuadrës velipojake, do të shprehej:

Ada, trajneri i ri 90 për qind do jetë jo nga Shkodra

Dorëheqja e Samuel Nikajt nga pankina e Adës është miratuar nga drejtuesit e klubit të cilët e kanë të arsyeshme të mos e mbajnë më atë në krye të pankinës së tyre. Lajmi për këtë është konfirmuar nga presidenti i këtij klubi Lazër Matia i cili për gazeten tone do të shprehej: "Me keqardhje sigurisht që vendosëm ta pranojmë dorëheqjen e trajnerit Nikaj i cili duhet pranuar se ka bërë një punë shumë të mirë në krye të kësaj skuadre. Mungesa e rezultateve e ka vënë edhe atë në një pozitë të vështirë por edhe ne si drejtues klubi sepse nuk e kishim menduar një nisje të tillë.

Samuel Nikaj: Dorëheqjen s’e dhashë nga “frika” e rënies së Adës

Ka paraqitur dorëheqjen menjëherë pas ndeshjes së humbur me Dinamon të shtunën dhe dy ditë më vonë, ajo është miratuar nga ana e drejtuesve të Adës. Samuel Nikaj në këtë mënyrë nuk është më trajner i kësaj skuadre. Ai e ka marrë këtë vendim me koshiencë të plotë duke menduar për të mirën e skuadrës dhe në kushte të tillë, në një intervistë ekluzive për gazetën online www.shkodrasport.com, do të shpjegonte gjithçka ka ndodhur gjatë kësaj periudhe tek kjo skuadër dhe arsyet që e çuan të japë dorëheqjen. Ja intervista e plotë e Nikajt:

FUTBOLLI I FEMRAVE

HISTORI