FUTBOLL - KATEGORIA E PARE

Ka paraqitur dorëheqjen menjëherë pas ndeshjes së humbur me Dinamon të shtunën dhe dy ditë më vonë, ajo është miratuar nga ana e drejtuesve të Adës. Samuel Nikaj në këtë mënyrë nuk është më trajner i kësaj skuadre. Ai e ka marrë këtë vendim me koshiencë të plotë duke menduar për të mirën e skuadrës dhe në kushte të tillë, në një intervistë ekluzive për gazetën online www.shkodrasport.com, do të shpjegonte gjithçka ka ndodhur gjatë kësaj periudhe tek kjo skuadër dhe arsyet që e çuan të japë dorëheqjen. Ja intervista e plotë e Nikajt:

Futbollistët shkodranë vazhdojnë të spikasin edhe në ekipet e kategorisë së parë. Pikërisht ata të Partizanit po e thonë ashtu siç duhet fjalën e tyre. Ka ndodhur kështu edhe sot në ndeshjen që ata kanë zhvilluar për javën e tetë të këtij kampionati teksa kanë pritur në Tiranën ekipin e Pogradecit. Kanë qenë pogradecarët ata që kanë kaluar të parët në avantazh, më pas ka barazuar Gjoka për të kuqëtë dhe kur dukej se ndeshja po shkonte drejt një barazimi, për skuadrën e kuqe ka menduar një shkodran. Pikërisht Orges Lini.

Skuadra koplikase ka arritur të sigurojë një tjetër fitore, e cila ka rezultuar shumë e rëndësishme sot sepse dy skuadrat e tjera me të cilat ishte me pikë të barabarta, kanë humbur. Për rrjedhojë, Veleçiku pas javës së pestë të kampionatit është i vetëm në krye me 12 pikë. Sot ai ka mundur 3-2 ekipin e Vorës ndonëse sipas informacioneve që vijnë nga Kopliku ka qenë një ndeshje e cila është kontestuar edhe për gjykimin e njëanshëm të kryesorit Rigers Pjetrushi nga ana e drejtuesve dhe futbollistëve koplikas. Pavarësisht kësaj ata kanë fituar.

Veleçiku i Koplikut ka arritur një fitore shumë të rëndësishme në ndeshjen e sotme të luajtur në transfertë me ekipin e Egnatias. Ndeshja është luajtur pasditen e sotme në fushën sportive të qytetit të Rrogozhinës dhe është dominuar nga koplikasit dhe goli i vetëm i ndeshjes është shënuar nga Demiraj, një lojtar i ri ky i futur në pjesën e dytë në vend të Miculit. Ndeshja ka qenë e bukur ndonëse në një terren të rënduar megjithatë djemtë e trajnerit Besnik Duli kanë luajtur mirë dhe e kanë merituar fitoren.

Java e tretë e kampionatit kombëtar të kategorisë së dytë, ka dhuruar një tjetër fitore për Veleçikun. Në ndeshjen e luajtur në Koplik ndaj ekipit Luzi 2008, ata kanë fituar me rezultatin 3-2. Koplikasit vinin pas një humbje të thellë javën e kaluar me ekipin e Sukthit në shifrat 4-0 dhe për rrjedhojë djemtë e teknikut Besnik Duli kanë kërkuar medoemos fitoren në këtë ndeshje të rradhës. Që në minutat e para të takimit, vërehet qartë epërsia e vendasve derisa në minutën e 12-të do vinte goli I parë për Veleçikun, shënuar nga Osmani. Megjithatë miqtë nga Luzi reagojnë dhe në minutën e 20-të arrijnë të barazojnë me anë të Çullhajt.

Trajneri shkodran Fatjon Hasani nuk është më trajner i ekipit të Burrelit. Ai ka dhënë dorëheqjen nga ky post menjëherë pas ndeshjes së humbur pasditen e së shtunës ndaj Lushnjës. Sigurisht që shkaku i dorëheqjes nuk është kjo humbje në shifrat 0-1 ndaj kryesueve të kampionatit, aq më tepër që ndeshja luhej në Lushnjë, por ecuria e skuadrës në këto 6 javët e para të kampionatit.

Skuadra koplikase e Veleçikut e ka nisur me fitore kampionatin e kategorisë së dytë për edicionin 2012-13. Ajo ka pritur në javën e parë në fushën e vete ekipin e Korabit të Peshkopisë të cilin e ka mundur me rezultatin e pastër 3-0. Golat për koplikasit janë shënuar nga portieri Dorzaj me 11-metërsh në minutën e 10-të të ndeshjes dhe më pas nga Banushi në minutën e 48-të dhe Ymeri në minutën e 88-të. Trajneri Besnik Duli pas kësaj fitoreje të thellë megjithatë është shprehur i pakënaqur me disa gjëra të lojës së skuadrës të tij dhe kryesisht me lojën individuale të shfaqur nga futbollistët koplikas.

Pa zhvilluar asnjë takim miqësor, Veleçiku I Koplikut do të paraqitet në ndeshje zyrtare. Ai do të luajë ndaj Skraparit në një ndeshje të vlefshme për Kupën e Shqipërisë që do të luhet më 12 shtator. Kjo duket paksa e çuditshme por është mëse e vërtetë. Fillimi me vonesë I stërvitjes, ka ndikuar në këtë drejtim. Trajneri Besnik Duli megjithatë është optimist për një paraqitje të mirë të ekipit që drejton. Kthimi I Kurtajt, Çokajt, portierit Dorzaj, Osmanit, Ymeri etj, e ka përforcuar ndjeshëm ekipin dhe tashmë mbrojtja e mesfusha duken në rregull ndërkohë që edhe sulmi nuk duket të jetë problematik. Fakte shumë shqetësuese janë  mungesa e bazës materiale dhe e mbulimit të udhëtimit të disa futbollistëve nga qyteti I Shkodrës që luajnë për Veleçikun.

Mbrojtësi shkodran Gent Isufi prej tre ditësh është në provë tek skuadra e Shkumbinit të Peqinit. Ai ka marrë leje nga drejtuesit e Adës për të shkuar në këtë testim dhe nëse do ta kalojë atë sigurisht që nuk do pengohet për të firmosur. Në fakt kjo është një arritje për këtë futbollist që pas daljes nga ekipet zinxhir të Vllaznisë, ka luajtur kryesisht në ekipe të kategorisë së parë, si Ada e Tërbuni ku natyrisht që ka spikatur me performancën e bërë.

Skuadra e Adës ashtu si çdo sezon tjetër, edhe këtë herë ka shumë shpresë të marrë lojtarë të rinj nga Vllaznia për të forcuar rradhët e saj. Aktivizimi me skuadrën velipojake u shërben më pas atyre si trampolinë për t’u rikthyer sërish tek kuqeblutë ose për të kaluar në skuadra të tjera të Superligës. Pikërisht për këtë gjë, dje trajneri I Adës Samuel Nikaj ka patur një takim me drejtuesit e Vllaznisë, Shabën, Grimën por edhe trajnerin Duro për të biseduar në lidhje me mundësitë që ekzistojnë për të marrë ndonjë lojtar që nuk është në planet e tyre.