FUTBOLLI I FEMRAVE

Mesditen e sotme në Nion të Zvicrës është hedhur shorti i Champions Leagues së femrave në futboll ku siç dihet, për të tretin vit me rradhë do të përfaqësojë vendin tonë skuadra e Vllaznisë si kampione në fuqi e vendit (dy vitet e kaluara me emrin Ada). Drejtuesit e këtij ekipi e kanë pritur me interes hedhjen e shortit për të mësuar vendin se ku do t'i luajnë ndeshjet dhe kundërshtaret e grupit. Në bazë të asaj çfarë kanë dhuruar goglat, Vllaznia ka rënë në grupin 6 që do t'i luajë ndeshjet në Lituaninë e largët.

Vllaznia në futboll për femra, këtë fundjavë do të shpallet zyrtarisht Kampione e Shqipërisë për sezonin 2013-14. Ajo ka dy javë që e ka siguruar edhe matematikisht titullin megjithatë duhet luajtur ndeshja e fundit për ta vulosur përfundimisht këtë gjë. Në fakt, ende nuk ka një datë të saktë të përcaktuar për këtë ndeshje të fundit. Kjo ngaqë, takimi me ekipin e Dajtit është planifikuar për t’u luajtur ditën e shtunë megjithatë po këtë ditë, siç dihet është planifikuar për t’u luajtur edhe ndeshja e djemve të Vllaznisë ndaj Kastriotit në Krujë.

Juban Danja e ka nisur me fitore fazën e dytë të kampionatit të futbollit të femrave teksa ka mundur me rezultatin 3-1 ekipin Tirana AS, duke I shkaktuar kësaj të fundit humbjen e parë në kampionat. Por përvse ka rritur pretendimet e veta për vendin e dytë në renditje, Juban Danja I ka bërë një nder ekipit të Vllaznisë duke ia bërë më të lehtë rrugën drejt titullit kampion sepse I ka ndalur kundërshtarin direct. Ndeshja në mes ekipit të Juban Danjës dhe Tirana As është zhvilluar pasditen e së shtunës në fushën sportive “Reshit Rusi”. Takimi në fakt nuk ka nisur mirë për ekipin shkodran I cili është ndëshkuar menjëherë me 11-metërsh por gjuajtja e Ana Baros është pritur nga portierja Hoxha.

Finalja e Kupes se Shqiperise në futboll për femra, nuk do të luhet ditën e shtunë siç ishte planifikuar por të enjten më datë 6 shkurt. Është caktuar njëkohësisht edhe ora dhe vendi I zhvillimit të kësaj ndeshje finale teksa ajo do zhvillohet në stadiumin “Loro Boriçi”, në orën 14.00. dy ekipet që kanë dalë në finale, siç dihet janë dy ekipet e Shkodrës, Vllaznia dhe Juban Danja. Ata kanë rënë dakord me njëri- tjetrin por edhe me Federatën Shqiptare të Futbollit për ta ofruar pak këtë finale ngaqë siç dihet të shtunën po në “Loro Boriçi” do të luhet ndeshja e kampionatit të meshkujve në mes Vllaznisë dhe Teutës.

Janë caktuar çiftet gjysmëfinaliste të Kupës së Shqipërisë në futboll për femra. Ato do të jenë Vllaznia- Tirana AS dhe Juban Danja- Kinostudio. Këto ekipe i kanë kaluar pa problem kundërshtarët e tyre në çerekfinale dhe vetëm në ndeshjen Tirana AS- The Door ka patur deri diku rivalitet. Skuadra kryeqytetase ka fituar me rezultatin 3-1 dhe është kualifikuar për në turin tjetër të këtij kompeticioni. Në të tjerat, gjërat janë përcaktuar shumë shpejt. Në ndeshjen Juban Danja- Apolonia, skuadra e drejtuar nga trajneri Shpëtim Rama ka fituar me rezultatin e thellë 14-0 duke treguar se si fituese në fuqi e këtij trofeu, don të thotë fjalën e vet edhe këtë sezon.

Skënderbeu-Vllaznia 55-60 (21-17,12-13,11-12,11-18
Vllaznia fiton ne transferte me Skenderbeun.Me rezultatin 55-60 ne nje ndeshje qe duhet thene ka pasur emocione nga fillimi I deri ne fundin e saj.Kjo padyshim per merite te te dy ekipeve,shume me teper te vajzave shkodrane te cilat kane qene ne gjendje ta kthejne lojen ne favorin e tyre atehere atehere kur duhej.Loje e cila duhet thene se ka qene nga me te mirat e shkodraneve te koshin kete sezon,megjithese trajneri Rajmond Rasha ka mendimin se ajo me Tiranen ka qene shume here me e mire.

Vllaznia në futboll për femra ka arritur një tjetër fitore në kampionat, këtë herë ndaj Shkëndisë së Durrësit me rezultatin 5-1. Ndeshja është luajtur paraditen e sotme në fushën sportive “Reshit Rusi”  dhe ndonëse skuadra shkodrane ka luajtur thuajse me formacionin e saj të dytë, ajo ka dominuar ndaj kundërshtarit. Kanë asistuar në këtë ndeshje përveç presidentit të ekipit Lazer Matija, edhe drejtuesit e lartë të klubit Fatos Gjyrezi, Armir Grima e Ismet Hoxha. I pranishëm në këtë ndeshje ka qenë edhe shefi I sektorit të futbollit të femrave pranë Federatës Shqiptare të Futbollit Endi Hyka që ka deklaruar se nga viti në vit ka rritje të nivelit të kampionatit.

Me fitore e kanë mbyllur dy skuadrat shkodrane të futbollit të femrave, Vllaznia e Juban Danja javën e pestë të këtij kampionati. Vllaznia ka fituar thellësisht në Shkodër ndaj Apolonisë me rezultatin 11-0 ndërsa Juban Danja ka mundur në Durrës, Shkëndinë vendase me rezultatin 5-1. Në të parën nuk ka patur shumë histori teksa ka patur edhe goleadë madje rezultati mund dhe duhej të kishte qenë shumë më i thellë. Kanë shënuar edhe dy kamerunaset e kësaj skuadre, Bebey tre gola dhe Ada dy gola ndërsa golat e tjerë kanë patur për autore Grudën me dy gola, Doçin, Hoxhën, Mujen dhe Lazrin.

Vllaznia në futboll për femra ka prezantuar sot tre blerje të reja. Bëhet fjalë për tre futbolliste të kombëtares së Kamerunit që do jenë tashmë pjesë e skuadrës shkodrane. Prezantimi i tyre është bërë paraditen e sotme në zyrat e klubit nga dy drejtuesit e lartë të tij Fatos Gjyrezi dhe Armir Grima si dhe nga presidenti i këtij ekipi, Lazër Matija. Ka qenë ky i fundit ai që ka folur i pari duke shpjeguar edhe arsyet pse janë bërë këto përforcime.

Skuadra kampione e Shqipërisë në futbollin e femrave, Ada e Velipojës, pasditen e së sotme do të niset drejt Sllovenisë ku do të zhvillojë ndeshjet kualifikuese për Ligën e Kampioneve. Siç dihet, në bazë të shortit të hedhur, ndeshjet e këtij grupi ku përveç Adës bëjnë pjesë edhe ekipet kampione të Polonisë, Bjellorusisë dhe Sllovenisë, do të zhvillohen në datat 8-13 në qytetin Primorje të Sllovenisë. Në kampin velipojak tashmë gjithçka është gati për këto ndeshje. Presidenti Lazër Matija ka kompletuar ekipin me bazën e duhur materiale dhe po ashtu është siguruar gjithçka edhe sa I takon udhëtimit. Nga ana tjetër edhe trajneri Selami Pepaj e ka bërë gati skuadrën.