FUTBOLLI I FEMRAVE

Tjetër fitore për vajzat e Vllaznisë dhe tashmë titulli duket gjithnjë e më pranë për ta. Sot, ata kanë zhvilluar ndeshjen e rradhës në kryeqytet ndaj njërës prej rivaleve të tyre, Kinostudios të cilën e kanë mundur me rezultatin e thellë 6-1. I vetmi shqetësim për drejtuesit e ekipit shkodran është padyshim pësimi i golit të parë në kampionat. Ka ndodhur pikërisht në këtë ndeshje dhe do të ishte futbollistja Lufo ajo që ndoshta do të "hyjë në histori" për këtë gjë sepse me siguri që Vllaznia nuk do të pësojë më gola të tjerë në kampionat.

Skuadra shkodrane e Vllaznisë në futboll për femra nuk ka të ndalur në fitimin e trofeve. Pasditen e djeshme ajo ka fituar kupën e katërt rradhazi të Shqipërisë që është njëkohësisht trofeu i shtatë duke përfshirë këtu edhe tre titujt kampionë të fituar.Në ndeshjen finale ndaj Apolonisë të luajtur në "Elbasan Arena" ajo ka triumfuar me rezultatin 3-0.

Vllaznia në futboll për femra është për rekorde. Ecuria e saj vetëm me fitore, gola të shumtë të shënuar dhe asnjë i pësuar, e bëjnë atë të ndihet krenar për skuadrën që drejton. Bëhet fjalë për Nikolin Lekën, trajnerin që drejton këtë ekip të shpallur pak ditë më parë "kampion i dimrit" në futbollin e femrave. "Vërtetë ndihem mirë që stërvis dhe drejtoj këtë ekip të pakonkurrueshëm. Dikush thotë se "kemi vrarë garën" por në fakt nuk është faji i Vllaznisë.

Me ndeshjet e sotme, të vlefshme për javën e nëntë, është mbyllur faza e parë e kampionatit kombëtar të futbollit të femrave. Në përfundim ë këtyre ndeshjeve, Vllaznia kampione në fuqi padyshim që ka spikatur sërish dhe jo vetëm që është shpallur "kampione dimri" por duket shumë e sigurtë drejt shpalljes kampione e vendit për të katërtën herë rradhazi. Kjo ngaqë diferenca aktuale me ekipin e vendit të dytë që mbahet nga Apolonia, është 5 pikë. Në ndeshjet e sotme, vajzat kampione kanë arritur një fitore shumë të thellë, 20-0 ndaj ekipit tjetër të Shkodrës- The Door. Protagonistet kryesore të këtij suksesi kanë qenë dy sulmueset, Uendi Muja dhe Megi Doçi që sëbashku kanë shënuar 19 gola!!! Muja ka qenë autore e 12 golave ndërsa Doçi e ka dërguar topin në rrjetën kundërshtare 7 herë.

Futbollistet e Vllaznisë nuk kanë të ndalur në rrugën e tyre drejt titullit të katërt kampion rradhazi.Ato kanë fituar sot ndeshjen e tyre të tetë në po kaq ndeshje të luajtura. Përballë tyre këtë herë ka qenë Teuta e Durrësit dhe në fund të takimit është fiksuar rezultati 12-0. Një fitore e thellë, por nga rastet e krijuara, mund të kishte qenë edhe më e thellë. Gjysmën e këtyre golave të shënuar e ka realizuar sulmuesja Uendi Muja. Pesë të tjerë janë shënuar nga e njohura Megi Doçi ndërsa golin e fundit e ka realizuar Ambra Gjergji.

Kampionet në fuqi të Shqipërisë në futbollin e femrave, vajzat e Vllaznisë, kanë arritur një tjetër fitore në kampionat. Ato mesditën e sotme kanë fituar 2-0 ndaj Apolonisë, skuadër e cila mbante vendin e dytë në renditje. Ndeshja është zgjidhur që në pjesën e parë. Dy golat e shënuar kanë patur për autore sulmuesen Uendi Muja dhe mbrojtësen Arbiona Bajraktari. Në pjesën e dytë, trajneri Leka u ka dhënë mundësinë edhe futbollisteve të stolit të luajnë dhe për këtë arsye, niveli ka rënë disi duke bërë që të mos ketë më gola.

Zhurma e krijuar kohët e fundit në lidhje me zgjedhjet e bëra nga shumë futbollistë të cilët kanë vendosur të lënë ekipet kombëtare të Shqipërisë dhe të zgjedhin ato të Kosovës, natyrisht që pritet të vazhdojë edhe për disa kohë të tjera. Edhe tek futbolli i femrave ka ndodhur një gjë e tillë, madje shumë vajza kanë braktisur kombëtaren U-19 vetëm pak ditë parë një ndeshje eliminatore duke e vënë në një pozitë shumë të vështirë trajnerin Dede.

Kampionet e Shqipërisë në futboll për femra nuk ndalen në rrugën e tyre drejt titullit të katërt kampion rradhazi. Vajzat e Vllaznisë kanë mundur sot një tjetër rival, Tiranën AS me rezultatin 5-0. Ndeshja e vlefshme për javën e gjashtë të kampionatit është luajtur në fushën "Reshit Rusi" dhe ndonëse miket nga kryeqyteti janë mundur të bëjnë maksimumin e tyre, e kanë patur të vështirë ndaj vendaseve. Megi Doçi ka shënuar edhe dy gola të tjerë në këtë takim, ndërkohë që po kaq gola ka shënuar edhe Suada Jashari ndërsa golin tjetër e ka shënuar Uendi Muja.

Pavarësisht se ka fituar me rezultatin e thellë 7-0 ndaj Juban Danjes, drejtuesit e Vllaznisë në futboll për femra nuk janë të kënaqur me lojën e zhvilluar ng futbollistet e këtij ekipi. Sipas tyre, kjo është normale sepse objektivat  e Vllaznisë janë krejt tjetër gjë dhe nuk kanë të bëjnë aspak me fitimin e titullit kampion në Shqipëri. Pjesa e parë e ndeshjes është mbyllur me rezultatin 2-0, me dy gola të shënuar nga sulmuesja Muja. Në pjesën e dytë ndërkohë janë shënuar edhe pesë gola të tjerë, që kanë patur për autore, mbrojtësen Gjini në tre raste, ndërsa dy të tjerët janë shënuar nga Doçi dhe Muja.

Kampionati kombëtar i futbollit të femrave tashmë ka hyrë në rrjedhën e tij teksa janë zhvilluar katër javë dhe Vllaznia kampione në fuqi, e ka nisur e tillë edhe kampionatin aktual.Ajo i ka fituar të katër ndeshjet e deritanishme por të njëjtën ecuri ka edhe Apolonia dhe të dy ekipet kryesojnë renditjen me pikë të plota. Arben Parmeza, trajneri i një tjetër ekipi, pikërisht i "Albanian Ajax School", thotë se ky rivalitet është vetëm momental.