KATEGORIA SUPERIORE

Trajneri i kombëtares U-21 të Shqipërisë Skënder Gega ka publikuar sot listën e lojtarëve të ekipit të tij që do të marrë pjesë në turneun miqësor që do të zhvillohet në Austri kundër ekipeve të Ukrainës dhe Maqedonisë në datat 21-25 maj. Në këtë listë, bien në sy edhe emrat e dy futbollistëve të Vllaznisë, pikërisht mesfushorit Edon Hasani dhe sulmuesit Sindrit Guri. Hasani në fakt vjen pas një dëmtimi të gjatë por është i njohur nga trajneri Gega për aftësitë e tij sepse prej kohësh është pjesë e këtyre ekipeve kombëtare të moshave, ndërsa thirrja e Gurit është paksa surprizë sepse ai është vetëm 18 vjeç por trajneri duket se ka evidentuar vlera të mira tek ky futbollist dhe dëshiron ta ketë në skuadër.

Nëse Shpëtim Duro e ka bërë thuajse të kryer marrjen e pankinës së Vllaznisë për sezonin e ardhshëm, nuk mendojnë kështu drejtuesit e klubit shkodran. Ata kanë zhvilluar sot një takim, në fund të të cilit kanë dalë me një komunikatë për shtyp në të cilën thuhet konkretisht: "K.F. Vllaznia sh.a. njofton fillimin zyrtar të negociatave për trajnerin e ri të ekipit të parë, i cili do të ketë një rol kyç në ndërtimin e skuadrës per sezonin 2012-2013. Këshilli Mbikqyrës ka autorizuar drejtuesit e K.F. Vllaznia sh.a. të fillojne takimet me trajneret e interesuar per postin e timonierit te Vllaznise. Takimet do te jene me trajnerë shqiptarë apo të huaj, brenda apo jashte Shqiperise per te bere zgjedhjen me te mire te mundshme per nje Vllazni e cila kete sezon duhet te jete pretendente per trofete e sezonit.

Ashtu siç kishin paralajmëruar paraditen e sotme, drejtuesi e klubit shkodran kanë nisur menjëherë nga puna për gjetjen e trajnerit të ri për sezonin e ardhshëm. Madje kanë nisur edhe takimet dhe i pari me të cilin është folur ka qenë trajneri Shpëtim Duro. Ashtu siç flitej, takimi ishte lënë me të që ditën e djeshme dhe palët janë takuar. Kjo bëhet e ditur zyrtarisht dhe nga ana e klubit shkodran që ka vendosur të jetë transparent me çdo lëvizje që do bëhet për këtë qëllim.Sipas asaj që bën të ditur klubi teksa thotë: "Kryetari i Keshillit Mbikqyres te K.F. Vllaznia sh.a. Ridvan TROSHANI, i shoqeruar nga Administratori Kujtim SHABA dhe Drejtori Sportiv Armir GRIMA kane nisur menjehere takimet per perzgjedhjen e trajnerit te Ekipit te Pare per sezonin futbollistik 2012- 2013.

Tashmë është plotësisht e qartë. Vllaznia në takimin e sotëm ndaj Shkumbinit do luajë pa disa nga titullarët e saj të lënë pushim nga ana e stafit drejtues. Kjo nuk do thotë se ky është një “favor” që I bëhet peqinasve, përkundrazi. Nuk do luajnë kapiteni Belisha dhe pesë malazezët, të cilët janë lënë pushim nga ana e stafit drejtues. Në fushë do jenë disa lojtarë të rinj shkodranë të cilët kanë mundësi të tregojnë vlerat e tyre dhe për rrjedhojë, këtyre futbollistëve do t’u kërkohet patjetër fitorja. Kjo është deklarata që ka bërë trajneri I Vllaznisë Armir Grima në këtë pragndeshje kur ka thënë:

Lëvizja e pare për Vllazninë e sezonit të ardhshëm është emërimi i trajnerit të ri të skuadrës. Jo më kot informacionet nga drejtuesit e Vllaznisë, vijnë pikërisht për të mbyllur çdo gjë deri në fund të këtij muaji. Edhe gjetja e trajnerit është e lidhur ngushtë me anën financiare që do të ketë skuadra shkodrane në dispozicion. Deri tani janë lakuar tre emra si kandidatura që mund të marrin drejtimin e skuadrës por që asnjëri prej tyre qoftëse Shëptim Duro, Ardian Kozniku apo Artan Bushati nuk është konfirmuar se ka patur takime zyratre me drejtuesit e Vllaznisë, ditët e fundit.

Ditën e djeshme në ambjentin sportiv shkodran është përmendur emri I Edmond Gëzdarit si një kandidaturë e mundshme për postin e trajnerit të ardhshëm të Vllaznisë. Por ndërkohë, burime pranë klubit shkodran kanë bërë të ditur mbrëmë se kjo kandidaturë nuk është marrë asnjë herë në shqyrtim dhe për rrjedhojë nuk shihet as si mundësi. Megjithatë përmendja e këtij emri, e shton numrin e atyre që janë përmendur kohët e fundit për pankinën e ardhshme kuqeblu.

Pas jo pak përplasjeve në distancë, Bashkia Shkodër më në fund I ka kthyer përgjigje zyrtarisht gjashtë ish-donatorëve të Vllaznisë për një kërkesë që ata kishin bërë. Një përgjigje kjo që ka qenë negative dhe prandaj tashmë duhet pritur reagimi I ish-donatorëve. Historia nis gati 5 muaj më parë, kur 6 ish-donatorë të Vllaznisë depozituan në sekretarinë e Këshillit Bashkiak Shkodër një kërkesë për njohjen e kontributeve të tyre financiare tek klubi shkodran në vite. Valter Fushaj, Agron Çela, Xhevdet Amuli, Elvis Myftar Çela, Pjerin Fushaj dhe Flamur Hoxha me një shkresë zyrtare në muajin dhjetor kërkonin njohjen e kontributeve të tyre ose përkthimin e këtyre kontributeve në aksione tek klubi I futbollit. Kjo kërkesë e tyre prodhoi shumë debate në çdo mbledhje të Këshillit Bashkiak teksa këshilltarë të ndryshëm ngrinin zërin për mos ardhjen e kësaj shkresë në Këshill.

Aventura e tij te Vllaznia zgjati pak. Erdhi në janar dhe u largua pa u mbyllur sezoni (një javë më parë). Kroati Gordan Vuk nuk e kishte menduar kurrë se do të dështonte në Shqipëri. “Vija nga një ekip si Karlovac dhe isha lojtar i afirmuar në kampionatin kroat. Më trajtuan si mos keq pas largimit të trajnerit Vata. Në një ditë të bukur më thanë: ik nga hoteli, se nuk do të të paguajmë më”, – tregon mbrojtësi 24-vjeçar në një intervistë ekskluzive për “Panorama Sport”. Ndër të tjera ai akuzon administratorin Shaba si destabilizues të situatës.

Vllaznia ka humbur shansin për të patur në gjirin e saj për sezonin e ardhshëm futbollistik talentin Armando Vajushi. Sulmuesi shkodran që aktivizohet me skuadrën e Liteksit në Bullgari ka patur një takim me menaxherin e skuadrës i cili ka bërë që atij ti ndryshojë 100% mendja dhe për menduar sërish rikthimin për në Shkodër. Pas një sondazhi që ëhstë zhvilluar në Bullgari se kush prej lojtarëve të kampionatit Bullgar pritet të shpërthejë sezonin e ardhshëm dhe të arrijë të shitet në kampionatet më të mëdha të europës, Vajushi ka marrë 70% të votave.