FUTBOLL

Skuadra shkodrane nuk ka mundur dot të marrë pikë në ndeshjen e luajtur pasditen e sotme në Kuçovë ndaj Tomorit. Ndonëse ajo ka goditur dy shtylla në pjesën e parë dhe ka shënuar dy gola (të anulluar të dy në pjesën e dytë), sërish nuk ka mundur të marrë qoftë edhe një pikë pasi ka humbur 0-1 ndaj beratasve. Këta të fundit ndoshta nuk e kanë merituar fitoren. Kanë luajtur jo më mirë se shkodranët, kanë goditur një herë traversën e portës së tyre, kanë shënuar vetëm një gol dhe kaq u ka mjaftuar atyre të sigurojnë fitoren e dytë në këtë kampionat.

Anullimi i dy golave nga ana e gjyqtarit anësor Ergi Doda në bashkëpunimi me kryesorin Bardhyl Pashaj nuk mund të kalonte pa u kundërshtuar nga drejtuesit e Vllaznisë. Dhe jo vetëm për këto dy gola të anulluar, por edhe për lejimin e lojës së rëndë të futbollistëve beratas. Paraditen e nesërme, një nga drejtuesit e klubit shkodran do jetë në konferencë shtypi për të akuzuar publikisht gjyqtarët për tendencë në arbitrimet kundër Vllaznisë dhe jo vetëm në këtë ndeshjes sepse ata janë vazhdë e disa të tjerëve edhe në ndeshjet e mëparshme.

Në ndeshjen e rradhës ndaj Tomorit, formacioni me të cilin Vllaznia pretendon të dalë në fushën e lojës të krijon idenë e një skuadre U-21. Kjo nga mosha e re e shumë prej lojtarëve të saj. Lojtari më I vjetër në skuadër do jetë kapiteni Belisha që është 30 vjeç, e pas tij vjen portiere Vujadinoviç 28 vjeç. Gjithë të tjerët do jenë më I madhi 24 dhe më I vogli 18 vjeç.

Trajneri i Vllaznisë Rudi Vata në konferencën e sotme për shtyp është shprehur shumë entuziast për paraqitjen e skuadrës së tij në ndeshjen e nesërme me Tomorin. Ai beson tek fitorja dhe këtë e ka thënë në ato çfarë ai ka deklaruar për mediat kur ka thënë: "Mendoj se është ndeshje jashtë fushe, thjesht vetëm kaq. Për mua nuk ka shumë rëndësi se në cilën fushë do luhet ndeshja ndaj Tomorit, në Kuçovë apo diku tjetër.

Prononcimi një ditë më parë në një prej mediave sportive i ish-presidentit të Vllaznisë Agron Çela se është i gatshëm të kthehet në krye të këtij klubi për të blerë aksionet dhe për të ndërtuar një skuadër kampione, është shoqëruar me interesimin e të tjerë biznesmenëve që duan të kontribuojnë për ndërtimin e një skuadre të madhe. Emrat e tyre nuk bëhen të ditur megjithatë pranë Bashkisë Shkodër thuhet të ketë patur interes kohët e fundit.

Vllaznia ka nevojë për afrime cilësor në janar, në mënyrë që të arrijnë objektivat e saj, që është minimum kapja e një vendi, që e çon në Kupat e Europës. Por duket se këto kohët e fundit po bëhet shumë zhurmë sa i takon merkatos së janarit, pa të cilën nuk bëhet fjalë për t’u arritur asnjë objektiv, sado minimal qoftë ai, por duket se nuk ka as një orientim të qartë. Nisur nga kontaktet e deritanishme, të krijohet përshtypja se Vllaznia do t’i përqëndrojë “goditjet” e saj, në merkaton e janarit, në kampionatin shqiptar, por mund të jetë edhe krejt e kundërta.

Ka qenë e planifikuar për t’u zhvilluar më datë 30 nëntor mbledhja e Komisionit të Apelit pranë UEFA-s në Zyrih të Zvicrës por asnjë pjestar I klubit të futbollit Vllaznia nuk ka marrë pjesë në të ndonëse vetë klubi kishte apeluar gjobën e vënë nga ky institucion për sjelljen e tifozëve në ndeshjen e Europa League me zvicerianët e Thunit në “Loro Boriçi”. Gjoba prej 22 mijë eurosh, “tronditi” drejtuesit e klubit të cilët menduan se mund ta ulnin vlerën e saj nëse do ta apelonin. Për këtë arsye, ata bënë edhe pagesën prej 1 mijë eurosh që duhet për të pranuar apelimin por çuditërisht, në mbledhjen e fundit të Komisionit të Apelit pranë UEFA-s, nuk është paraqitur asnjë përfaqësues I klubit shkodran.

Ish-presidenti i Vllaznisë në vitet 2003-2006 Agron Çela duket se ka ndër mend t'i kthehet sërish drejtimit të klubit shkodran. Në një prononcim të tij për të përditshmen sportive "Sporti Shqiptar" ai ka deklaruar se po pret shitjen e aksioneve nga Bashkia Shkodër për të blerë shumicën e tyre.

Nuk ka asnjë konfirmim zyrtar për një takim të mundshëm mes sulmuesit shkodran Xhevahir Sukaj dhe drejtuesve të Flamutarit, por ashtu siç e kemi pohuar një ditë më parë, në faqet e gazetës tonë, bëhet e ditur se dje, në Tiranë, palët në fjalë, janë takuar dhe kanë biseduar gjerësisht mbi mundësinë e transferimit të këtij futbollisti në Vlorë, gjatë merkatos së janarit, me shpresën se edhe Bashkia e Shkodrës me atë të Vlorës do të gjejnë mirëkuptimin.

Në konferencën e sotme për shtyp, portieri i Vllaznisë, malazezi Miroslav Vujadinoviç ka folur në lidhje me ndryshimet e ndodhura tek kjo skuadra nga vera, kur ajo ka luajtur në Europa League dhe deri në ndeshjen e fundit me Skënderbeun. °Nga ai moment kur kemi luajtur me Thunin dhe deri në ndeshjen e fundit me Skënderbeun janë larguar shumë lojtarë. Ndaj korçarëve në fushë kanë qenë vetëm 4 lojtarë nga ajo periudhë, të tjerët janë larguar.