SPORTE TE TJERA

Rrokadë trajnerësh tek ekipi i çiklizmit të Vllaznisë. Leonat Kola që deri para pak ditësh ka mbajtur edhe postin e presidentit të këtij ekipi, ka marrë detyrën e trajnerit. Ndërkohë, trajneri i mëparshëm Sabetin Hoxha ka marrë drejtimin e ekipit të të rinjve. Nayrisht që lëvizje të tilla janë bërë nga drejtuesit e klubit për t'i dhënë edhe më shumë prioritet këtij ekipi që vitin e kaluar ka bërë paraqitje shumë të mira në të gjitha garat kombëtare ku ka marrë pjesë. I pyetur nga shkodrasport.com në lidhje me përgjegjësinë që e pret tashmë pas marrjes së kësaj detyre, trajneri Kola është shprehur:

Xhudistët e Vllaznisë kanë bërë edhe një tjetër paraqitje të mirë. Këtë herë në kampionatin individual kombëtar për të rritur e për kadetë. Ai është zhvilluar në pallatin e sportit "Asllan Rusi" të kryeqytetit dhe në të kanë marrë pjesë të gjithë ekipet e liçensuara pranë Federatës Shqiptare të Xhudos. Sportistët shkodranë kanë arritur rezultate shumë të mira në këtë kampionat duke zënë shumë vende të para. Madje, më shumë vende të para se të gjithë ekipet e tjera pjesmarrëse. Natyrisht që ky është një sukses i ekipit të Vllaznisë të drejtuar nga trajnerja Aurora Shkoza.

97 vjetori i krijimit të Klubit Vllaznia sot në Shkodër është festuar vetëm nga veteranët e mundjes të cilët tashmë këtë datë historike janë duke e kthyer në një festë tradicionale. Kështu ka ndodhur edhe sot kur është zhvilluar një ceremoni shumë interesante dhe në të kanë marrë pjesë edhe të ftuar nga Tirana dhe qytetet e tjera të Shqipërisë. Ka qenë i pranishëm edhe kryetari i komitetit Olimpik Kombëtar shqiptar Viron Bezhani, presidenti i Federatës së mundjes Martin Biba etj.

Paraqitjet e mira të xhudistëve shkodranë në aktivitetet ndërkombëtare vazhdojnë sërish. Ditën e sotme katër sportistë të ekipeve të Vllaznisë dhe Vau Dejësit, kanë marrë pjesë në turnen e zhvilluar në Podgoricë të emërtuar "Mladost Open Cup". Përveç tyre, kanë marrë pjesë edhe shumë sportistë nga ekipe të ndryshme të Ballkanit të cilët kanë konkurruar në grupmosha të ndryshme. Ekipet tona janë përfaqësuar me Luka Lukajn që ka konkurruar në peshën 46 kg, me Brikena Dinin po në 46 kg, me Anxhela Krasniqin në 63 kg dhe me Reoland Vasinë në peshën 60 kg.

Pavarësisht kushteve shumë të vështira në të cilat stërviten, mundësit e Vllaznisë vazhdojnë të jenë të suksesshëm në garat që zhvillojnë. Kështu, në garat e kampionatit kombëtar të të rinjve të zhvilluar këto ditë në Tiranë, mundësi Eqerem Shega është shpallur kampion I Shqipërisë në peshën e tij ndërkohë që Vllaznia si ekip ka zënë vendin e tretë në kampionat. Kuptohet që ky është një rezultat shumë I mirë dhe dy trajnerët Nazmi Elezi dhe Dedë Bregu e vlerësojnë shumë atë por ndërkohë, edhe vetë sportisti në një prononcim për gazetën shkodrasport.com, shprehet I kënaqur për suksesin e arritur.

Çiklisti I talentuar shkodran Bruno Kola ka fituar një tjetër kupë. Bëhet fjalë për kupën e vënë për një aktivitet të zhvilluar këto ditë në Tiranë ku kanë marrë pjesë sportistët më të mirë kadetë të të gjithë ekipeve të vendit. Ka qenë një etapë e zhvilluar në rrugën Tiranë- Elbasan, 60 kilometra e gjatë dhe në fund të saj, 15 vjeçari shkodran ka arritur të lërë pas të gjithë çiklistët e tjerë pjesmarrës duke u kurorëzuar në këtë mënyrë si fitues I kupës së vënë nga Federata Shqiptare e Çiklizmit. Ai ka zënë vendin e parë duke lënë pas dy rivalët e tij kryesorë, sportistët e Teutës Tafilin dhe Ballgjinin.

Xhudisti Xhovan Shkoza ka bërë një paraqitje shumë të mirë në turneun ndërkombëtar të zhvilluar dje dhe sot në Amyntaio të Greqisë duke merituar medaljen e bronztë në kategorinë e tij, në garat e kadetëve. Aktiviteti ka qenë i rëndësishëm sepse në të kanë marrë pjesë përveç sportistëve nga të gjitha vendet e Ballkanit edhe ato nga Rusia, Ukraina, Gjeorgjia etj. Turneu është zhvilluar për të gjitha grupmoshat dhe është zhvilluar nën kujdesin e klubit sportiv "Filippos" të Amyntaios, në bashkëpunim me Komunën e Amyntaios, me Federatën Greke të Xhudos dhe me rajonin perëndimor të Maqedonisë teksa ka patur një pjesmarrje të madhe sportistësh. Shqipëria është përfaqësuar në këtë turne vetëm me sportistin Xhovan Shkoza që ka konkurruar në peshën 66 kg.

Ekipi shkodran i “Albania Xhudo Kodokan” i drejtuar nga mjeshtri Anton Shkoza, është shpallur fitues i turneut ndërkombëtar “Nënë Tereza” që u zhvillua ditën e djeshme në pallatin e sportit “Qazim Dervishi”. Xhudistët shkodranë kanë arritur të zënë plot 9 vende të para në pesha dhe disiplina të ndryshme duke grumbulluar më shumë pikë se ekipi kroat i Dalmacisë që zuri vendin e dytë me 7 vende të para ndërsa në vend të tretë u rendit ekipi i Pejës së Kosovës me 5 vende të para.

Është zhvilluar në Shkodër sot turneu I 10-të ndërkombëtar I xhudos, turne I cili prej 5 vitesh mban emrin e Nënë Terezës. Ashtu si dhe në vitet e tjera, edhe sivjet, numri I sportistëve pjesmarrës ka ardhur duke u rritur, çka tregon se është një aktivitet që vlerësohet shumë nga ekipet e Ballkanit të cilët nga viti në vit, shtohen në këtë pjesmarrje. Organizatori kryesor I këtij aktiviteti, mjeshtri Anton Shkoza është shumë I kënaqur me këtë pjesmarrje dhe këtë e shpreh edhe në prononcimin e tij për gazetën shkodrasport.com do të shprehej:

Rrethi I 72-të Çiklistik I Shqipërisë sot ka zhvilluar etapën e tij të dytë, atë me itinerar Tiranë- Shkodër ku kanë marrë pjesë çiklistët më të mirë të vendit por edhe kombëtarja e Kosovës, Maqedonisë dhe ekipi I Novi Pazarit të Serbisë. Mes pjesmarrësve është edhe ekipi I Vllaznisë me 4 sportistë, por njëri prej tyre, ëill Hunther ka qenë I pafat sepse gjatë garës së sotme është rrëzuar duke pësuar një dëmtim të rëndë. Etapa e sotme është zhvilluar me një ritëm të lartë dhe sidomos nga Lezha e deri në Shkodër tempi I garës ka qenë shumë i lartë dhe në mbërritje në mes 9 çiklistëve më të mirë ka qenë edhe sportisti I Vllaznisë Bruno Kola i cili është renditur në vendin e pestë në këtë etapë. Një rezultat ky i shkëlqyer i këtij sporti që ende nuk i ka mbushur 15 vjeç.