VOLEJBOLL

Vllaznia në volejboll për meshkuj ka arritur një fitore shumë të rëndësishme në kampionat. Ajo ka fituar Brenda në kryeqytet ndaj njërës prej skuadrave rivale në luftën për titullin kampion, pikërisht ndaj Tiranës, me rezultatin 3-2. Takimi I zhvilluar në palestrën sportive “Fahrije Hoti” ka dhuruar shumë emocione. Seti I parë është fituar nga bardheblutë me rezultatin 25 me 21 ndërkohë që seti I dytë është fituar nga Vllaznia 25 me 22. Në këtë mënyrë është barazuar numri I seteve ndërkohë që në të tretin është sërish Tirana që fiton 25 me 10 por shkodranët kanë reaguar sërish duke fituar të katërtin në shifrat 25 me 19.

Në pallatin e sportit të qytetit të Peshkopisë,u zhvillua ndeshja e volejbollit për femra ndërmjet Korabit vendas dhe Partizanit. Para fillimit të takimit me rastin e fillimit të sezonit të ri volejbollistik nga drejtuesit e KS Korabi u zhvillua një ceremoni hapje shumë interesante. Fjalën e hapjes e mbajti sekretari i KS Korabit, z.Bashkim Lala i cili u uroi suksese të dy ekipeve ndërsa volejbollistet vendase u dhuruan buqeta me lule mikeshave nga Tirana, gjyqtarëve dhe të dy stafeve drejtuese.

Ekipi i volejbollit të meshkujve të Vllaznisë ka bërë një përforcim të rëndësishëm në merkaton e verës. Më mirë të themi ka qenë një rikthim i rëndësishëm i volejbollistit Endri Jukni. Ai në sezonin e kaluar ka qenë pjesë e Teutës së Durrësit ndërkohë që tashmë kthehet të luajë për skuadrën e qytetit të tij. Natyrisht që ky është një lajm i mirë për trajnerin Artan Kalaja sepse njihen vlerat e këtij sportisti. Me ardhjen e Juknit, ekipi shkodran është përforcuar jo pak dhe për rrjedhojë edhe në sezonin e ri sërish do ketë pretendime të larta. Që do të thotë, do të kërkojë të jetë në mes ekipeve më të mira të vendit që do jenë në garë për titullin kampion.