E kishte paralajmeruar ish- presidenti i Vllaznise se volejbollit te femrave Florian Zekja dhe ne fakt keshtu ka ndodhur. Zekja deklaronte se procedurat e levrimit te parave nga Bashkia Shkoder ne llogarite e shoqatave donte kohe dhe deri ne fillim te muajit prill nuk do te kishte asnje leke per sportistet dhe trajneret. Ne keto rrethana, duke e patur te pamundur qe ai t’i mbulonte keto pagesa, dha doreheqjen.
Por tashme veshtiresite po hasen ne te gjithe ekipet e shumesporteshit te Vllaznise. Ndonese kemi hyre ne muajin prill, asnje sportist nuk ka marre ende asnje leke sepse procedurat e kalimit te tyre vijojne dhe me shume mundesi çdo gje do te perfundoje brenda nje apo dy jave. Por kjo ka efektin e vet negativ, pse jo edhe ne rezultatet e ekipeve apo dhe deshiren e sportisteve per t’u marre me sport.
Nje shqetesim te tille e ka ngritur kapiteni i volejbollit te Vllaznise Nikolin Qafarena. Ai ka qene i ftuar ne emisionin “Star Sport” ku nder te tjera, ka vene ne pikepyetje edhe menyren si po funksionon aktualisht sporti ne Shkoder me shoqata.
“Probleme? Shumesporteshi ne Shkoder ka pase gjithmone probleme dhe do te vazhdoje te kete per sa kohe te trajtohet ne kete menyre. Them ne kete menyre, pikerisht per shkak te trajtimit te sportisteve si amatore dhe te paguhen me trajtime ushqimore. Keto probleme po i hasin sportistet aktuale, por neser pasneser edhe ata te rinj qe duan te merrem me sport, do pyesin veten se çfare siguroj me sport.
Te besh 20 vjet sport dhe te te mos njihet asnje dite pune, atehere çfare do te siguroje nje i ri apo e re qe duan te merren me sport? Sivjet verehet nje mbeshtetje me e madhe e Bashkise per shumesporteshin sepse kerkesa qe i eshte bere kryetarit per mbeshtetje eshte aprovuar dhe e ka rritur buxhetin duke i dhene nje dore te mire sportit.
Por ato qe jane poshte kryetarit te Bashkise duket se nuk po e realizojne si duhet punen qe kane per detyre te bejne. Kjo sepse po mbaron faza e dyte e kampionatit dhe po shkojme ne fazen play-off dhe akoma nuk i eshte dhene asnje sportisti ende asnje qindarke prej atyre trajtimeve ushqimore!!!
Mesa di une kjo ka te beje me problemet e shoqatave, te afateve kohore etj. Por mua si sportist kjo nuk me intereson. Them une, por kjo gje shqeteson te gjithe komunitetin e sportit. Sportistit nuk i intereson menyra si funksionojne gjerat, por ne fund te muajit do ate qe i takon per te marre.
Ato qe jane poshte kryetarit duhet te vihen ne levizje. Shoqatat? Une nuk e di pse jane funksionale, per te menaxheruar leket e Bashkise? Kjo me duket kot”- eshte shprehur kapiteni i ekipit te volejbollit te Vllaznise Nikolin Qafarena./www.shkodrasport.com/
