Vllaznia për meshkuj mundet 0-3 nga Teuta në Durrës

0

Ekipi i volejbollit të meshkujve të Vllaznisë e ka humbur edhe ndeshjen e rradhës të kampionatit kombëtar, atë të luajur në Durrës ndaj Teutës vendase me rezultatin 0-3. Pas humbje në mesjavë me Tiranën në Shkodër, është shënuar edhe një tjetër disfatë për skuadrën e Artan Kalasë megjithatë kjo në njëfarë mënyre ka qenë e pritshme sepse luhej ndaj njërës prej skuadrave më të mira të kampioantit dhe pretendente e fortë për titullin kampion siç është Teuta.

Kalaja: Vllaznia s’ka lekë as për udhëtime jashtë Shkodre

0

 

 

Humbja me Tiranën dy ditë më parë nuk është se e ka shqetësuar shumë trajnerin e ekipit të volejbollit të meshkujve të Vllaznisë- Artan Kalanë. Skuadra që ai drejton është sërish brenda objektivave të saj dhe mbi të gjitha brenda garës për titullin kampion. Por ajo që e shqetëson këtë trajner është sërish i njëjti problem: mungesa e anës financiare. Ndonëse kemi hyrë në muajin e dytë të këtij viti, klubit shkodran ende nuk i kanë kaluar fondet e duhura për udhëtimet e ekipeve jashtë Shkodrës dhe në kushte të tilla, ekipet po udhëtojnë me fondet e tyre.

Vllaznia mundet 1-3 nga Tirana në “Qazim Dervishi”

0

Pasditen e sotme në pallatin e sportit "Qazim Dervishi" të qytetit të Shkodrës është zhvilluar ndeshja e rradhës e vlefshme për kampionatin kombëtar të volejbollit për meshkujve, në mes ekipeve të Vllaznisë dhe Tiranës. Këto dy ekipe janë ndër më të mirat e vendit, mbajnë aktualisht vendet tre dhe katër në renditje. Ndeshja ka patur rivalitet por në fund kanë triumfuar tiranasit me rezultatin 3-1. Në fakt, takimi ka filluar mirë për volejbollistët shkodranë të cilët e kanë fituar lehtësisht setin e parë në shifrat 25-12. Të krijohet ideja se fitorja do ishte e lehtë për ta por nuk do ndodhë kështu.

Arjola Prenga, shqiptarja që po shkëlqen në volejbollin francez

0

Nga Mejdan ZHIVANI

E lindur në Mirditë, e rritur në Tiranë, bën karrierë në Francë. Kështu mund të cilësohet jeta e njërës prej volejbollisteve më të mira të viteve të fundit të Shqipërisë, Arjola Prenga. Ajo ka spikatur në kampionatin shqiptar, derisa iu bë realitet kalimi në kampionatin francez duke qenë pjesë e skuadrës Tërvilë Floronzhë. Nuk është nga skuadrat më të mira të këtij kampionati por e rëndësishme është që ajo është liderja e saj duke u vlerësuar shpesheherë si ndër më të mirat e ndeshjeve të zhvilluara. Për të mbërritur deri tani, kësaj sportisteje në fakt i është dashur të kalojë një rrugë të gjatë, mes shumë vështirësish.

Vllaznia humb 1-3 ndaj Studentit por dhuron spektakël

0

Ekipi i Vllaznisë në volejboll për meshkuj ka dhuruar spektakël sonte në pallatin e sportit "Asllan Rusi" të kryeqytetit në përballjen me Studentin kryesues të kampionatit. Pavarësisht se ka humbur 1-3 skuadra e trajnerit Artan Kalaja ka bërë një paraqitje shumë të mirë duke dhuruar kënaqësi tek të pranishmit në pallatin e sportit. Seti i parë i ndeshjes në fakt ka qenë i dobët për shkodranët që e kanë humbur atë në shifrat 12-25. U duk se Studenti do ta kishte të lehtë fitoren por nuk do ishte kështu. Në të dytin, ka një rivalitet të madh dhe në fund, falë përvojë fitojnë vendasit në shifrat 25-23.

Volejbollistja e Vllaznisë Ana Gjelaj grumbullohet në Kombëtare

0

Federata Shqiptare e Volejbollit ka zhvilluar sot në Tiranë një zbor me lojtaret kandidatë të ekipit kombëtar të femrave. Ajo që të bën përshtypje është se në listën e sportisteve të përzgjedhura nga trajnerët Hasan Gurabardhi dhe Altin Martiri, është edhe volejbollistja e Vllaznisë Ana Gjelaj. Ky natyrisht që është një sukses për këtë sportiste, e cila ka dhënë një kontribut jo të vogël tek skuadra e saj duke qenë liderja e saj. Jo më kot, pak kohë më parë, Gjelaj pati një ofertë edhe nga skuadra e Tiranës por ajo preferoi për arsye të ndryshme të qëndronte pranë familjes së saj në Shkodër.

Faza e tretë e kampionatit nis me Studenti- Vllaznia

0

Ditën e nesërme, nis faza e tretë e kampionatit kombëtare të volejbollit për meshkuj. Në ndeshjen e parë të kësaj faze, Vllaznia do të ndeshet me Studentin kryesues dhe takimi do luhet të shtunën në ora 18.00 në pallatin e sportit "Asllan Rusi" të kryeqytetit. Skuadra shkodrane e trajnerit Artan Kalaja vjen në këtë fazë të tretë pas merkatos së dimrit por pa asnjë ndryshim në rradhët e saj. Ajo nuk ka patur mundësi financiare për të marrë ndonjë volejbollist tjetër e për t'u përforcuar dhe për rrjedhojë do luajë sërish me të njëjtët sportistë që ka patur deri në dhjetor. Nga ana tjetër, Studenti kryesues, ndonëse ndodhet në vend të parë, sërish ka bërë përforcime duke marrë dy të huaj.

Vllaznia për të rinj humb 2-3 finalen ndaj Farka Volej

0

Skuadra e të rinjve të Vllaznisë në volejboll nuk ka arritur të fitojë finalen e kupës së rinisë që sivjet ka mbajtur emrin Andrea Xhori. Në finalen e luajtur mesditën e sotme ata janë mundur me rezultatin 2-3 nga ekipi Farka Volej. Sipas informacioneve që marrim, ka qenë një ndeshje shumë e fortë dhe jo më kot, është dashur edhe seti final për të përcaktuar ekipin fitues. Pikërisht në këtë set, Farka Volej është treguar më e saktë duke e fituar atë dhe krejt ndeshjen. Po ashtu edhe kupën e vënë me këtë rast ndërkohë që Vllaznia është mbajtur me vendin e dytë.

Vllaznia siguron finalen e kupës të të rinjve

0

Ditën e sotme janë luajtur ndeshjet gjysmëfinale të Kupës së Rinisë që sivjet mban emrin Andrea Xhori. Sipas shortit të hedhur, Farka Volej është ndeshkuar me skuadrën e Apolonisë dhe ka fituar pa asnjë problem me rezultatin 3-0. Në ndeshjen tjetër gjysmëfinale, atë mes Vllaznisë dhe ekipit vendas të Tiranës, ka patur më shumë interes. Tek Vllaznia ka munguar njëri nga lojtarët kryesorë- Rexhvelaj megjithatë kjo gjë nuk i ka penguar djemtë shkodranë të drejtuar nga trajneri Mirjam Rrahishta të luajnë bukur dhe ta fitojnë gjithë ndeshjen me rezulatin e pastër 3-0.

Vllaznia në volejboll binjakëzim me Galep të Tivarit

0

Volejbolli shkodran i femrave sigurisht që ka shumë të bëjë me cilësinë sportive sepse sapo është krijuar megjithatë në rangun e bashkëpunimit me ekipet e tjera fqinje duket se nuk do jetë mbrapa ekipeve të tjera të klubit Vllaznia, për të mos thënë më përpara tyre. Ndodh kështu, ngaqë Vllaznia në volejboll për femra, është shumë pranë binjakëzimit me ekipin Galep të Tivarit, fituesja e kupës në fuqi e shtetit fqinj ose më mirë të themi, ndër ekipet më të mira të Malit të Zi. Me ndërmjetësimin e Ardian Zaganjorit, ky ekip dje ka qenë në Shkodër pikërisht në kuadrin e bisedimeve për zgjerimin e marëdhënieve dhe bashkëpunimit me shkodranët.