Vllaznia e basketbollit te meshkujve mbreme zyrtarizoi renien nga kategoria. Ndonese duhen edhe kater jave deri ne fund te kampionatit, ajo edhe matematikisht e ka “prere bileten” per te mos qene ne sezonin e ardhshem pjese e elites se basketbollit shqiptar.

Ndodh per here te pare ne historine e 76 kampionateve te zhvilluara ne vendin tone deri tani. Vllaznia e 9 titujve kampione, e 12 Kupave te Shqiperise dhe e 1 Superkupe, pra ne total fituese e 22 trofeve, ka shkuar ne piken e saj me te ulet.

Diçka shume e keqe, por qe po kalon ne heshtje. Askush nuk deshiron te marre pergjegjesi. Pese vite me pare, me te drejte, e gjithe Shkodra u ngrit ne kembe kur Vllaznia e futbollit ra nga kategoria. Per kete te basketbollit nuk po degjohet askush.

Nje renie qe ishte paralajmeruar prej kohesh dhe per me teper qe nuk ofron shprese as per te ardhmen sepse Shkodra aktualisht nuk ka basketbolliste!!! Dhe as nuk po prodhon. Kjo padyshim qe do ta beje te veshtire rikthimin e saj serish ne Superlige.

Bashkia Shkoder thjesht ka bere detyren e saj duke hedhur disa miliona leke edhe per kete ekip ashtu si per gjithe te tjeret dhe nuk di nese mund t’i kerkoje apo jo kujt llogari per kete deshtim. Shoqata e basketbollit ngre supet dhe ia le fajet mungeses se fondeve, rregullave te Federates, por asnjehere vetes.

Veteranet e basketbollit nuk po ndihen fare sepse ne fakt askush nuk i ka therritur ndonjehere per te dhene mendimet e tyre. Dhe konkluzioni eshte i qarte: Vllaznia e basketbollit te meshkujve per here te pare ne historine e saj, ka rene nga Superliga.

Kaq mjafton per te thene se per kete deshtim te madh do t’i vinte keq te gjithe atyre qe kane kontribuar ne vite per te lartesuar emrin e Vllaznise. Duke filluar nga Qazim Dervishi qe e solli per here te pare basketbollin ne Shkoder, e per te vazhduar me Esat Haxhi, Vehbi Ademi, Muhamet Sokoli, Luan Shatku, Sander Laca, Skënder Osmani e Ali Qukun.

Per te vazhduar me nje tjeter brez kampionesh si Agim Lahi, Bujar Golemi, Renato Radoja, Filip Guraziu, Vladimir Gjurba, Zyhdi Çoba, Valter Kalaja, Ndrek Gjinaj, Petrit Osmani, Nikolin Pali, Asllan Gjyrezi, Roland Koka e Vladimir Gjurba.

Keqardhja per kete deshtim ndjejne edhe Refik Vorfa, Angjelin Shiroka, Avenir Kalaja, Agim Haliti, Xhelal Kalaja apo dhe Mikel Gjoni, Sokol Kalaj, Marin Shestani, sekretari aktual i FSHB-se Korab Llazani, Hydajet Kotrri, Agustin Miculi, Ardian Zaganjori, Altin Shatku, Bledar Gjeçaj, Beniamin Idrizi, Artomen Çapaliku, Altin Halili apo dhe brezi i fundit i kampioneve, Ervin Berdica, Herion Faslija, Gjon Ndoja, Nikolin Arra etj./SHKODRA-SPORT.COM/