Shkëndija bën një tjetër lëvizje të bujshme. “Supersport.al” mëson se klubi “kuqezi” huazon nga Vorskla Poltava për një periudhë 6-mujore Ennur Totren, ndërsa në 2-3 ditët në vijim pritet zyrtarizimi nga ana e Shkëndijës.
Mesfushori ndodhet në Tetovë pas 1 viti e gjysmë, te klubi ku u rrit dhe debutoi në futbollin profesionist, teksa ne Ukrainë nuk ka pasur shumë hapësira.
Mesfushori 26-vjeçar ka përfunduar në stolin e Vorslka Poltavës, ku u transferua në fillim të sezonit, dhe në 13 ndeshjet e fundit, ka luajtur vetëm 13 minuta.
Pas transferimit me bujë, bashkë me Taulant Seferin, mesfushori luajti si titullar vetëm dy ndeshje dhe më pas përfundoi në stol, ndaj për shkak të situatës së krijuar, do të rikthehet në Maqedoninë e Veriut.
Ennur Totre ka luajtur për 6 sezone me fanellën e Shkëndijës dhe u largua nga Tetova në korrik të 2021-shit, për t’u bashkuar me Tiranën, aty ku fitoi titullin kampion që në sezonin e parë dhe më pas u shit te ukrainasit e Vorskla Poltavës.
