Formacioni fitues nuk ndryshohet! Te pakten kete parim ka zgjedhur te ndjeke serish trajneri i Vllaznise, Mirel Josa, perpara “Klasikes se Shqiperise” kunder Tiranes, ndeshje qe do te startoje ne oren 13:00 ne stadiumin “Selman Stermasi” diten e neserme.
Shkodranet pritet te mos ndryshojne nga 11-shja, me te cilen startoi takimin kunder Kukesit nje jave me pare.Keshtu ka gjasa te ndodhe ndaj Tiranes ne ndeshjen qe Vllaznia do te luaje per javen e 12-te te Abissnet Superiore.
Triumfi minimal ne Kukes u ka dhene nje shtyse te madhe shkodraneve, qe tashme kerkojne nje tjeter trepikesh ne kryeqytet. Se fundmi, ekipi eshte kompletuar edhe me futbollistet qe ishin te grumbulluar me Kombetaren, siç jane kapiteni Erdenis Gurishta, Esin Hakaj dhe Herald Marku.
Ata kane treguar se jane ne forme te shkelqyer dhe do te jene te gatshem nga minuta e pare per formacionin qe do te luajne ndaj Tiranes diten e neserme.Nga sa eshte pare ne stervitje, Vllaznia do te kete te njejtin rreshtim si ne Kukes, pikerisht me skemen 4-3-3.
Porta dhe mbrojtja nuk kane asnje dileme. Zogoviç do te vijoje te jete ne mes te katerkendorit, ndersa kapiteni Gurishta, Juriç, Bulatoviç dhe Hakaj do te formojne “digen” para tij.
Ne mesfushe, duket se do te jete treshja Jonuzi, Boshnjaku dhe Alivoda. Ne sulm, perkrah Males dhe Markut ne krahe, Aralica do te jete titullar ne maje, teksa sulmuesi kroat duket se jep garanci per duelet ne ajer.Trajneri Josa ka preferuar nje ekip qe te kete ekuiliber dhe prandaj edhe ka zgjedhur kete 11-she per ndeshjen ne fjale.
“Klasikja e Shqiperise” Tirana-Vllaznia, e vlefshme per javen e 12-te te Abissnet Superiore, do te luhet ne oren 13:00 te dites se neserme, ne stadiumin “Selman Stermasi” te kryeqytetit dhe do te transmetohet live ne kanalet e platformes “OverSport”. /Maringlen ZHIVANI/
Formacioni i Vllaznise (4-3-3): Zogoviç, Gurishta, Juriç, Bulatoviç, Hakaj, Jonuzi, Boshnjaku, Alivoda, Mala, Aralica, Marku Tr: Mirel Josa
